کولُسیلِر 1 - مُقادِّس کیتاب1-2 خودایینگ اِراداسی بیلِن عیسی مسیحینگ رِسولی بُلان مِن پولسدِن و دُغانیمیز تیموتاوس‌دان کولُسیدَکی مُقادِّسلِره، یَعنی مسیحده دِگیشلی بُلان وِفالی دُغانلاریمیزا دُغایی سالام! آتامیز خودایینگ مِرحِمِتی و پاراحاتلیغی، قُی، سیزه بُلسون! پولس خودایا شوکور و دُغا اِدیَر 3 بیز سیزینگ اوچین دُغا اِدیپ، هِمیشه تانگریمیز عیسی مسیحینگ آتاسی خودایا شوکور اِدیَریس. 4 سِبَبی بیز سیزینگ عیسی مسیحه بُلان ایمانینگیز و هِمّه مُقادِّسلِره گُرکِزِن سُیگینگیز حاقیندا اِشیتدیک. 5 بو ایمانینگیز و سُیگینگیز اومیدینگیزدان، هاووا، آسماندا سیزه قاراشیان زاتلارا باغلایان اومیدینگیزدان جُشوپ چیقیار. سیز اُزونگیزه گِلیپ قاوشان حاقیقات سُزی بُلان خوش خاباردا بو اومید بارادا اُوال اِشیدِنسینگیز. 6 شو خوش خابار هِمّه دونیَه یایراپ میوه بِریپ گِلیَر. خودایینگ مِرحِمِتینینگ حاقیقی مَعنیسینه گُز یِتیرِن گونونگیزدِن بَری، بو خوش خابار سیزینگ آرانگیزدا هِم شِیله عِمِل اِدیَر. 7 سیز بو خوش خاباری سُیگولی هِمکَریمیز اِپافراسدان اُورِندینگیز. اُل سیزینگ اوغرونگیزدا مسیحینگ وِفالی خیدماتکَریدیر. 8 سیزینگ مُقادِّس روحدان آلیان سُیگینگیز بارادا هِم بیزه اُل گورّونگ بِردی. 9 مونی اِشیدِن گونومیزدِن بَری، بیز هِم سیزینگ اوچین دُغالاریمیزینگ ایزینی اوزِمزُق. خودایینگ ایسلِگینی دُلی بیلمِگینگیز اوچین، اُنونگ سیزی هِر حِکمِت و روحانی دوشونجه بیلِن دُلدورماغینی دیلِیَریس. 10 شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس. قُی، سیزینگ هِمّه یاخشی ایشلِرینگیز میوه بِرسین. قُی، خودایی تانیماقدا سیزی خاص-دا اُسدورسین. 11 قُی، اُل سیزی بِییک قودراتی بیلِن قوواتلاندیرسین. سیزینگ صابیر-طاقاتلی بُلوپ، هِمّه زادا جیداماغینیز اوچین گویچ-قووات بِرسین. 12 نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ. 13 اُل بیزی قارانگقیلیق حُکومدارلیغیندان آزاد اِدیپ، اُز سُیگولی اُغلونینگ پادیشاهلیغینا گِتیردی، 14 اُز اُغلونینگ اوستو بیلِن بیزی آزادلیغا چیقاردی، یَعنی گونَه‌لِریمیزی باغیشلادی. مسیحینگ ایختییارلیغی 15 مسیح گُرونمِیَن خودایینگ صوراتیدیر و هِمّه یارادیلیشینگ اَوَّلکی فِرزِندی اُلدور. 16 چونکی هِمّه زاتلار اُنونگ اوستو بیلِن یارادیلاندیر. آسمانداقی و یِردَکی، گُرونیَن هِم گُرونمِیَن زاتلاری: تاختلاری، حاکیمیِتلِری، حُکومدارلاری، گویچ و قوواتلاری – بارینی اُل یاراتدی. هِمّه زات اُنونگ اوستو بیلِن و اُنونگ اوچین یارادیلدی. 17 هِمّه زاتدان اُوال بار بُلان اُلدور، هِمّه زاتلار اُل بیلِن ساقلانیپ دوراندیر. 18 بِدِنینگ، یَعنی کِلیسانینگ باشی اُلدور. هِمّه زاتدا یُقارقی جای آلسین دییّپ، باشلانان دُوری-ده، اَوَّلکی بُلوپ اُلومدِن دیرِلِن-ده اُلدور. 19 چونکی خودای هِمّه کَمیلّیگینینگ مسیحده یِرلِشمِگینی دُغری بیلدی. 20 مسیحینگ صلیبده دُکِن قانینینگ اوستو بیلِن پاراحاتچیلیغی بِرقارار اِدیپ، خودای یِردَکی و آسمانداقی هِمّه زادی اُزی بیلِن یاراشدیرماغی دُغری بیلدی. 21 بیر واقتلار سیز اِدِن تِلِکه ایشلِرینگیز سِبَپلی فیکرینگیزده خودایدان آرا آچیقدینگیز، اُنگا دوشماندینگیز. 22 اِمّا ایندی بُلسا خودای سیزی اُز حوضوریندا مُقادِّس، عایپسیز و تُهمِتسیز اِتمِک اوچین، مسیحینگ اینسانی بِدِنینینگ اُلومی بیلِن اُزی بیلِن یاراشدیردی. 23 اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز. بو خوش خابار یِر یوزوندَکی هِر بیر اینسانا اِعلان اِدیلدی. مِن پولس بو خوش خابارینگ خیدماتچیسی بُلدوم. پولسینگ کِلیسا اِدیَن خیدماتی 24 مِن سیزینگ اوغرونگیزدا گُریَن قینچیلیقلاریما بِگِنیَرین. بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر. 25-26 سیزینگ پِیدایینگیز اوچین خودایینگ مانگا بِرِن تابشیریغینا گُرَه، مِن بو کِلیسانینگ خیدماتچیسی بُلدوم. بو تابشیریق خودایینگ سُزونی، یَعنی گِچِن عاصیرلاردان و نِسیل‍لِردِن گوزگین ساقلانان، اِمّا ایندی مُقادِّسلِره آیان اِدیلِن سیری کَمیل اَشکَر اِتمِکدِن عیبارات. 27 خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی. بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر. 28 شِیلِلیکده، بیز هِمّه‌لِره مسیح حاقدا اِعلان اِدیَریس. اُلاری مسیحینگ بِدِنینینگ کَمیل اعضاسی حُکمونده هُدورلَر یالی، هِر بیر اینسانا ناصیحات اِدیپ، اولی حِکمِت بیلِن تَعلیم بِریَریس. 29 شو ماقصات بیلِن جانیمی قایغیرمان زَحمِت چِکیَرین، مسیحینگ اُزومده ایشلِیَن قودراتلی گویجونه دایانیارین. |
© Turkmen Truth