رِسول‍لار 8 - مُقادِّس کیتاب1 اِستیفانینگ اُلدوریلمِگینَه سولُس هِم راضیدی. شُل گوندِن سُنگ اورشلیمدَکی کِلیسانی رِحمسیز اِذیِت بِرمَگه باشلادیلار. رِسول‍لاردان باشغا هِمّه‌لِر یهودیه و سامِره اِطرافلارینا دارغادیلار. سولُس ایماندارلاری آزارلایار 2 اِمّا تاقوالی آداملار اِستیفانی جایلاپ، اُنونگ اوچین اولی یاس توتدولار. 3 سولُس بُلسا کِلیسانی دارغاتماغا باشلادی. اُل اُی به اُی آیلانیپ، آیال-اِرکِک دییمَن، ایماندارلاری سویرَپ، زیندانا زینگیاردی. فیلیپُس سامِره‌ده 4 دُرت طارافا دارغاشیپ گیدِن ایماندارلار خودایینگ خوش خابارینی هِمّه یِرده واغیظ اِدیَردیلِر. 5 فیلیپُس-دا سامِره‌نینگ بیر شَهرینه باریپ، اُلارا مسیح بارادا واغیظ اِتدی. 6 فیلیپُسی دینگلَپ، یِرینه یِتیرِن عالاماتلارینی گُرِن جِماغات اُنونگ آیدانلارینا دیقّات بیلِن قولاق آسدی. 7 کَن آداملارینگ ایچیندِن آرخو-جینلار قاتی قیغیریشیپ چیقیاردیلار، کَن سانلی فِلِج و پایتیقلار شِفا تاپیاردی. 8 شِیلِلیکده، اُل شَهرده اولی شاتلیق دُرِدی. جادوگَر شمعون 9 اینه، شُل شَهرده اُنگ جادوگَرلیک بیلِن مِشغولّانیپ، سامِره خالقینی حایران قالدیران و اُزونی بِییک آدام دییّپ اِعلان اِدِن شمعون آدلی بیر آدام باردی. 10 اولی-کیچی هِمّه‌لِر اُنی دیقّات بِریپ دینگلَردی و اُل حاقدا: «بِییک قودرات دییّپ آدلاندیریلیان خودایینگ قودراتی، اینه، شودور» دییَّردیلِر. 11 اُنونگ جادوگَرلیگی اُزالدان بَری هِمّه‌سینی حایرانا قُییاردی، شُنونگ اوچین اُنی دیقّات بیلِن دینگلَردیلِر. 12 اِمّا فیلیپُس خودایینگ پادیشاهلیغی و عیسی مسیح باراداقی خوش خاباری واغیظ اِدِنده، آداملار اُنگا ایناندیلار. آیال-اِرکِک دییمَن اُلارینگ هِمّه‌سی عیسانینگ آدی بیلِن تَعمیدلِندیلِر. 13 حتّیٰ شمعون هِم ایمان گِتیردی، تَعمیدلِنِندِن سُنگ بُلسا فیلیپُسینگ یانیندان آیریلمادی. اُل فیلیپُسینگ یِرینه یِتیریَن بِییک مُعجِزه‌لِرینی و عالاماتلارینی گُروپ، حایران قالیاردی. 14 رِسول‍لار سامِره‌لِرینگ خودایینگ خوش خابارینی قابول اِدِندیگینی اورشلیمده اِشیدیپ، پِطرُس بیلِن یوحنانی اُلارینگ یانینا ایبِردیلِر. 15 پِطرُس بیلِن یوحنا اُل یِره باریپ، اُلارینگ هِم مُقادِّس روحی آلماغی اوچین دُغا اِتدیلِر. 16 سِبَبی مُقادِّس روح هِنیز اُلارینگ هیچ بیرینینگ اوستونه اینمَندی، اُلار دینگه تانگریمیز عیسانینگ آدی بیلِن تَعمیدلِنیپدیلِر. 17 سُنگرا پِطرُس بیلِن یوحنا اِل‍لِرینی اُلارینگ اوستونه قُیدولار و اُلار هِم مُقادِّس روحی آلدیلار. 18 رِسول‍لارینگ اِل‍لِرینینگ قُیولماغی بیلِن مُقادِّس روحونگ بِرلِنینی گُرِن شمعون اُلارا پول هُدورلَپ: 19 «مانگا-دا شو قودراتدان بِرینگ. اِلیمی کیمینگ باشینا قُیسام، اُل آدام مُقادِّس روحی آلسین» دییدی. 20 اِمّا پِطرُس اُنگا شِیله دییدی: «پولونگ اُزونگ بیلِن بیله یُق بُلسون! سِبَبی سِن خودایینگ ناغماتینی ساتین آلارین دییّپ فیکر اِتدینگ. 21 بو ایشده سِنینگ نه پایینگ، نه-ده حاقینگ بار، سِبَبی سِنینگ یورِگینگه دووِن نییِتینگ خودایینگ ناظاریندا دُغری دَل. 22 ایندی توبا اِدیپ، بو یامان نییِتینگدِن اِل چِک-ده، خودایا یالبار، بِلکی، یورِگینگدَکی بو نییِتینگی باغیشلار. 23 مِن سِنینگ آجی زَهِردِن دُلودیغینگی و گونَه زینجیری بیلِن باغلاناندیغینگی گُریَرین.» 24 شمعون اُنگا: «مِنینگ اوچین خودایا دُغا اِدینگ، آیدانلارینگیزینگ هیچ بیرینه دوچار بُلمایین!» دییدی. 25 پِطرُس بیلِن یوحنا شاهاتلیق اِدیپ، خوش خاباری اِعلان اِتدیلِر. سُنگرا اُلار سامِره‌نینگ کَن اُباسیندا خوش خاباری اِعلان اِدیپ، اورشلیمه دُلانیپ گِلدیلِر. فیلیپُس و اِتیوپیلی 26 خودایینگ بیر پِریشده‌سی فیلیپُسا: «تور، ایلِری طاراف، اورشلیمدِن غزه باریان بیابانلیق یُلدان گیت» دییدی. 27 اُل هِم توروپ، یُلا دوشدی. گیدیپ باریارقا، اِتیوپیلی بیر آغتا آداما دوشدی. اُل اِتیوپینینگ مِلِکِسی کانداکانینگ باش وِزیرلِرینینگ بیریدی و اُنونگ هِمّه خازیناسینی دُلاندیریاردی. اُل اورشلیمه عیبادات اِتمَگه گِلیپ، 28 ایندی هِم ایزینا دُلانیپ باریاردی. اُل اُز آراباسینینگ اوستونده اِشعیا پیغامبارینگ کیتابینی اُقیپ اُتیردی. 29 مُقادِّس روح فیلیپُسا: «بار، آرابانینگ یانیندان یُری!» دییدی. 30 فیلیپُس یُرتوپ-دا، اُنونگ اِشعیا پیغامبارینگ کیتابیندان اُقییان سُزلِرینی اِشیدیپ: «اُقییان زاتلارینگا دوشونیَرمینگ؟» دییّپ سُرادی. 31 اُل: «بیری دوشوندیرمِسه، نَدیپ دوشونِیین؟» دییدی. اُنسُنگ فیلیپُسی آرابا مینیپ، یانیندا اُتورماغا چاغیردی. 32 اُنونگ مُقادِّس یازغیلاردان اُقیپ اُتوران یِری، اینه، شودی: «سُیولماغا اَکیدیلیپ باریان قُیون یالی، قیرقیانچینینگ اُووندَکی سِسّیز قوزی یالی، اُل هیچ آغزینی آچمادی. 33 اُل کیچِلدیلیپ، عادالاتسیزلیق بیلِن اَکیدیلدی. اُنونگ نِسلی حاقدا کیم آیدیپ بیلجِک؟ چونکی اُنونگ یاشاییش زامانی قوتاردی.» 34 اِتیوپیلی فیلیپُسدان: «مانگا آیتسانگیز، پیغامبار مونی کیم حاقدا آیدیار؟ اُزی حاقدامی یا-دا باشغا بیری حاقدا؟» دییّپ سُرادی. 35 اُنسُنگ فیلیپُس دوشوندیرمَگه باشلادی، مُقادِّس یازغیلارینگ شو یِردَکی بُلِگیندِن باشلاپ، عیسی حاقدَکی خوش خاباری اُنگا اِعلان اِتدی. 36 اُلار یُلدا باریارقا، بیر سولی یِرینگ اوستوندِن گِلدیلِر. آغتا آدام: «اینه، بو یِرده سو بار. مِنینگ تَعمید آلماغیما نَمه قینچیلیق بار؟» دییدی. [ 37 فیلیپُس اُنگا: «تامام یورِگینگ بیلِن ایمان گِتیریَن بُلسانگ، مونگا اِجازا باردیر» دییدی. آغتا آدام: «عیسی مسیحینگ خودایینگ اُغلودیغینا ایمان گِتیریَرین» دییدی.] 38 اُنسُنگ آرابانی ساقلاتدی-دا فیلیپُس بیلِن آغتا آدام بیلِلیکده سووا گیردیلِر و اُنی تَعمیدلِندیردی. 39 اُلار سودان چیقانلاریندا، بیردِنکَه خودایینگ روحی فیلیپُسی اُل یِردِن اَکیتدی. آغتا آدام اُنی قایتادان گُرمِدی. اُل شاتلانیپ، اُز یُلونی دُوام اِتدیردی. 40 فیلیپُس بُلسا آشدوددا گُروندی. اُل قیصریه باریپ یِتیَنچَه، هِمّه شَهرلِرده خوش خاباری واغیظ اِتدی. |
© Turkmen Truth