رِسول‍لار 2 - مُقادِّس کیتابرِسوللارا مُقادِّس روح اینیَر 1 پِنتیکاست گونی هِمّه ایماندارلار بیر یِره ییغنانیشیپ اُتیردیلار. 2 بیردِن آسماندان گویچلی یِلینگ سِسینه مِنگزِش بیر سِس گِلیپ، اُلارینگ اُتوران اُیونینگ ایچینی دُلدوردی. 3 اُلار اُونوق اُدا مِنگزِش بیر زاتلارینگ پیتراپ، اُز اوستلِرینه اینِندیگینی گُردولِر. 4 اُلارینگ هِمّه‌سی مُقادِّس روحدان دُلدولار و مُقادِّس روحونگ بِرِن قودراتینا گُرَه، باشغا دیل‍لِرده کِپلَپ باشلادیلار. 5 شُل واقتدا اورشلیمده دونیَه‌نینگ هِمّه یورتلاریندان گِلِن دیندار یَهودیلِر یاشایاردیلار. 6 بو قالماغالّی سِسه اولی جِماغات ییغناندی. اُلار اُز دیل‍لِریندَکی گورّونگلِری اِشیدیپ، اُزلِرینی ییتیردیلِر. 7 هِمّه‌لِر حایران و گِنگ قالیپ، بیری-بیرلِرینه شِیله دییدیلِر: «گُرونگ، بو کِپلِیَنلِرینگ هِمّه‌سی جلیل‌لی دَلمی نَمه؟ 8 اُندا نَدیپ بیزینگ هِر بیریمیز اُز دیلیمیزدَکی سُزلِری اِشیدیَریس؟ 9 آرامیزدا پارتدان، ماددان، عیلامدان، بِین‌اُلنهریندِن، یهودیه‌دِن، کاپادوکیه‌دِن، پونتوسدان و آسیادان گِلِنلِر بار. 10 فریجیه‌دِن، پامفیلیه‌دِن، مصردِن، قیرِوانینگ قُلایینداقی لیبی‌دِن گِلِنلِر هِم بار. شِیله-ده رومدان گِلِن یَهودیلِر و یَهودی دینینی قابول اِدِنلِر بار. 11 کَبیریمیز کریتدِن و عربستاندان گِلدیک. مونگا باقمازدان، خودایینگ بِییک ایشلِری بارادا اُلارینگ بیزینگ اِنه دیلیمیزده کِپلِیَندیگینی اِشیدیَریس.» 12 اُلار حایران قالدیلار و آلدیراشیپ: «بو نَمه بُلدیغیقا؟» دییّشدیلِر. 13 کَبیرلِری بُلسا اُلاری ماسغارالاپ: «اُلار شِرابدان سِرخُش بُلوپدیرلار» دییدیلِر. پِطرُسینگ سُزی 14 شُندا پِطرُس اُنبیر رِسول‍لار بیلِن بیله یِریندِن توروپ، قاتی سِس بیلِن شِیله دییدی: «اِی یَهودیلِر و اورشلیم ایلاتی! مونونگ مَعنیسینی سیزه دوشوندیرِیین، مِنینگ سُزلِریمه قولاق آسینگ. 15 بولار سیزینگ فیکر اِدیشینگیز یالی، سِرخُش دَل. ساغات شو واقت اِرتیر دُقوز آخیری. 16 یُق، بو گُریَنلِرینگیز یوئیل پیغامبار طارافیندان آیدیلاندیر: 17 ”خودای شِیله دییَّر: آخیرقی گونلِرده شِیله بُلار، مِن هِمّه اینسانلارینگ اوستونه اُز روحومی دُکِرین. نبوّتلیق اِدِر اُغول‍لارینگیز و قیزلارینگیز، رویالار گُرِر ییگیتلِرینگیز، دیشلِر گُرِر قارّیلارینگیز. 18 شُل گونلِرده مِن روحومی دُکِرین، حتّیٰ قول‍لار و قیرناقلاریمینگ اوستونه. اُلار-دا نبوّتلیق اِدِرلِر. 19 مِن یُقاردا، آسماندا عجاییپ زاتلار، آشاقدا، یِرده عالاماتلار: قان، اُد هِم-ده توسّه سوتونلِری گُرکِزِرین. 20 تانگرینینگ بِییک و اولی گونی گِلمِزدِن اُزال، گون قارانگقیلیغا، آی هِم قانا دُنِر. 21 شُندا تانگرینینگ آدینی چاغیران هِر بیر اینسان نِجات تاپار“. 22 «اِی اسرائیل خالقی! بو سُزلِره قولاق آسینگ: اُز بیلشینگیز یالی، خودای ناصِره‌لی عیسانینگ اوستو بیلِن آرانگیزدا مُعجِزه‌لِر، عجاییپ زاتلار و عالاماتلار گُرکِزدی و مونونگ بیلِن اُل عیسانینگ حاقیقاتدیغینی تاصدیقلادی. 23 خودای اُز توتان ماقصادینا گُرَه، عیسانی سیزینگ اِلینگیزه بِرمِگی اُنگدِن قارار اِدیپدی. سیز اُنی بیگانه‌لِرینگ اِلی بیلِن توتدونگیز و صلیبه چویلَپ اُلدوردینگیز. 24 اِمّا خودای اُنی دیرِلدیپ، اُلوم عاذابیندان آزاد اِتدی. اُنونگ اُلوم پِنجِسینده قالماغی مومکین دَلدی. 25 داوود اُل حاقدا شِیله دییّپدی: ”خودای هِمیشه گُزلِریمینگ اُوونده، تیترِدیریلمِرین، چونکی اُل مِنینگ ساغیمدا. 26 شُنگا گُرَه یورِگیم بِگِنچلی، دیلیم شاتلانیار، بِدِنیم هِم اومید بیلِن یاشایار. 27 چونکی مِنی اُلولِر دونیَه‌سینده قُیمارسینگ، اُز وِفالیغین قابردا چویریمِگینه اِجازا بِرمِرسینگ. 28 یاشاییش یُلونی مانگا گُرکِزِرسینگ، حوضورینگدا مِنی شاتلیقدان دُلدورارسینگ“. 29 «اِی دُغانلار! جِدّیمیز داوود حاقدا مِنینگ سیزه آچیق آیتماغیم گِرِک. اُل اُلدی، جایلاندی، قابری بُلسا بیزینگ گونلِریمیزه چِنلی ساقلانیپ قالیپدیر. 30 داوود بیر پیغامباردی. خودایینگ قاسام ایچیپ، بِرِن سُزونه گُرَه، داوود اُز نِسلیندِن بیرینی اُنونگ تاختیندا اُتورجاقدیغینی بیلیَردی. 31 داوود گِلجِگی اُودِن گُروپ، مسیحینگ دیرِلیشی بارادا شِیله دییّپدی: ”خودای اُنی اُلولِر دونیَه‌سینده قالدیرمادی، اُنونگ بِدِنی قابردا چویریمِدی“. 32 خودای عیسانی اُلومدِن دیرِلتدی، بیزینگ هِمَّه‌میز مونگا شاهاتدیریس. 33 ایندی عیسی بِیگِلدیلدی و اُل خودایینگ ساغیندا اُتیر. اُل واعدا اِدیلِن مُقادِّس روحی آتا خودایدان قابول اِدیپ، اُنی بیزینگ اوستومیزه یاغدیردی. مونی سیزینگ اُزونگیز گُروپ و اِشیدیپ دورسونگیز. 34-35 داوودینگ اُزی آسمانا چیقماسا-دا، شِیله دییّپدی: ”خودای مِنینگ تانگریما شِیله آیتدی: ’دوشمانلارینگی آیاق آشاغینا سالیانچام، مِنینگ ساغیمدا اُتور‘“. 36 «شُنونگ اوچین هِم، اِی هِمّه اسرائیل خالقی، شونی آچیق بیلیپ قُی: خودای سیزینگ صلیبه چویلَن بو عیسانگیزی هِم تانگری، هِم مسیح اِدیپ بِلِّدی.» 37 بو سُزلِری اِشیدِنده، آداملارینگ یورِگینه خانجار اورلان یالی بُلدی. اُلار پِطرُسدان و بِیلِکی رِسول‍لاردان: «دُغانلار، بیز نَمه اِتمِلی؟» دییّپ سُرادیلار. 38 پِطرُس اُلارا شِیله دییدی: «توبا اِدینگ، هِر بیرینگیز عیسی مسیحینگ آدی بیلِن تَعمید آلینگ. شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز. 39 بو واعدا سیزینگ اُزونگیز و فِرزِنتلِرینگیز اوچین، اوزاقدا بُلانلارینگ هِمّه‌سی، یَعنی خوداییمیز تانگرینینگ چاغیرجاقلارینینگ هِر بیری اوچیندیر.» 40 پِطرُس باشغا-دا کَن دِلیل‍لِر بیلِن اُلارا شاهاتلیق اِدیپ: «اُزونگیزی بو یُلدان چیقان نِسلدِن آزاد اِدینگ!» دییّپ یالباردی. 41 شِیلِلیکده، اُنونگ سُزلِرینی شاتلیق بیلِن قابول اِدِنلِر تَعمیدلِندیلِر. شُل گون اوچ مونگه قُلای آدام ایمان گِتیردی. 42 اُلار رِسول‍لارینگ تَعلیماتینی اُورِنمَگه، شِریکلیگه، بیله چُرِک اییمَگه و دُغا اِتمَگه ایخلاصلی یاپیشدیلار. ایماندارلار آراسینداقی بیرلیک 43 رِسول‍لارینگ اوستو بیلِن کَن مُعجِزه‌لِر و عالاماتلار گُرکِزیلیَردی. شُل سِبَپلی هِمّه‌لِرینگ قالبینی خودایینگ قُرقوسی قاپلاپدی. 44 ایمان گِتیرِنلِرینگ هِمّه‌سی بیلِدیلِر. اُلار هِمّه زاتلارینی اُرتا قُییاردیلار. 45 مال-مولکلِرینی ساتیپ، هِر کیمینگ مَحتَجلیگینه گُرَه، اُز آرالاریندا بُلوشِردیلِر. 46 اُلار یورِکلِری بیر بُلوپ، هِر گون عیباداتخانادا ییغناناردیلار. اُیدِن اُیه میهمانچیلیغا باریپ، چُرِگی بُلوشیپ اییَّردیلِر. چین یورِکدِن شاتلانیپ اییمیتلِرینی پایلاشاردیلار. 47 خودایا شوکور اِدیپ، تامام ایل ایچینده عزیز گُرونیَردیلِر. خودای هِم نِجات تاپیانلارینگ سانینی هِر گون کَنِلدیَردی. |
© Turkmen Truth