رِسول‍لار 19 - مُقادِّس کیتابپولس اِفِسُس شَهرینده 1 شونلوقدا آپولُس قُرِنتُس‌داقا، پولس داغلیقلارینگ اوستو بیلِن اِفِسُسا گِلدی. بو یِرده بیرنَچه شَگیرتلِری تاپدی. 2 اُلاردان: «ایمان گِتیرِنینگیزده مُقادِّس روحی قابول اِتدینگیزمی؟» دییّپ سُرادی. اُلار هِم اُنگا: «بیزینگ مُقادِّس روحونگ باردیغیندان حتّیٰ خاباریمیزام یُق» دییدیلِر. 3 اُلاردان: «اُندا نَمه دِلیلِّنیپ تَعمیدلِندینگیز؟» دییّپ سُرادی. اُلار: «یحیانینگ تَعمیدلِنمِسینه دِلیلِّنیپ تَعمیدلِندیک» دییّپ جُغاپ بِردیلِر. 4 پولس: «یحیی توبا اِدِنلِری تَعمیدلِندیریَردی. اُل خالقی اُزوندِن سُنگرا گِلِنه، یَعنی عیسی ایمان گِتیرمَگه چاغیردی» دییدی. 5 اُلار مونی اِشیدیپ، تانگریمیز عیسانینگ آدینا تَعمید آلدیلار. 6 پولس اُلارینگ اوستلِرینه اِلینی قُیان واقتیندا، اُلارا مُقادِّس روح ایندی. اُلار باشغا دیل‍لِرده کِپلَپ، نبوّت اِتمَگه باشلادیلار. 7 اُلارینگ هِمّه‌سی اُن ایکی آدام تُوِرِگی باردی. 8 پولس اوچ آیلاپ کِنیسه باریپ، اُل یِرده خالقا ایناندیریجی دِلیل‍لِر بیلِن خودایینگ پادیشاهلیغی بارادا باتیرلیق بیلِن آیدیپ و فیکر آلیشدی. 9 اِمّا کَبیرلِری دوشونمِزلیک اِدیپ، اینانماق ایسلِمِدیلِر و خالقینگ اُوونده عیسانینگ یُلونی یامانلاماغا باشلادیلار. شِیلِلیکده، پولس اُلارینگ یانیندان قایتدی و شَگیرتلِری-ده اُزی بیلِن آلیپ قایتدی. اُل تیرانوسینگ مِدرِسِسینده هِر گون گورّونگ اِدیپ فیکر آلیشدی. 10 بو ایش ایکی ییل دُوام اِتدی. شِیدیپ، آسیا وِلایاتیندا یاشایانلارینگ هِمّه‌سی: یَهودیلِر و یونانیلار هِم خوش خاباری اِشیتدیلِر. 11 خودای پولسینگ اِلی بیلِن گُرلوپ-اِشیدیلمِدیک مُعجِزه‌لِری گُرکِزدی. 12 پولسه دِگِن دِسمال و پارچالاری آلیپ، مِریضلِرینگ اوستونه یاپانلاریندا، اُلار دِردلِریندِن شِفا تاپیاردیلار، اُلاردان تِلِکه روحلار چیقیاردی. 13 شَهردِن-شَهره آیلانیپ، تِلِکه روحلاری کُووپ چیقاریان کَبیر یَهودیلِر ییغنانماغی هِم باردی. اُلار تِلِکه روحی بارلارا تانگریمیز عیسانینگ آدی بیلِن شِفا بِرمَگه گیریشیپ: «پولسینگ واغیظ اِدیَن عیسانینگ آدی بیلِن سیزه دِستور بِریَرین!» دییَّردیلِر. 14 یَهودیلِرینگ اِسکیوا آدلی باش کاهینینگ یِدی اُغلی-دا بو ایش بیلِن مِشغولّانیاردی. 15 بیر گِزِک تِلِکه روح اُلاردان: «عیسانی تانییارین، پولسی-ده بیلیَرین، یُنه سیز کیم؟» دییّپ سُرادی. 16 اُنسُنگ تِلِکه روح اِیِلَن آدام اُلارینگ اوستونه دُپولدی و هِمّه‌سینی باسدی. شُندا اُلار بو اُیدِن یالانگاچ هِم یارالی قاچیپ گیتدیلِر. 17 اِفِسُسدا یاشایان یَهودیلِرینگ و یونانیلارینگ هِمّه‌سی بو واقانی اِشیدیپ قُرقدولار و تانگریمیز عیسانینگ آدی بِیگِلدی. 18 ایمان گِتیرِنلِرینگ کَنسی گِلیپ، اِدِن اِتمیشلِرینی آچیق بُیون آلدیلار. 19 جادوگَرلیک بیلِن مِشغولّانیانلارینگ بیرنَچه‌سی کیتاپلارینی اویشوریپ، هِمّه‌سینینگ گُزونینگ اُوونده یاقدیلار. اُلارینگ باهاسینی حاساپلانلاریندا، اِلّی مونگ کوموش پول چیقدی. 20 شِیلِلیکده، خودایینگ سُزی باردیقچا یایراپ، گویچ-قودراتی آرتیاردی. 21 بو واقالاردان سُنگ، پولس مَقدونیه‌نینگ و آخائیه‌نینگ اوستوندِن گِچیپ، اورشلیمه گیتمِگی یورِگینه دوودی. پولس: «اُل یِرده بُلانیمدان سُنگ، رومی هِم گُرمِگیم گِرِک» دییدی. 22 اُل اُز ایکی کُمِکچیسینی – تیموتاوس بیلِن اِراستوسی مَقدونیه یُلّادی. اُزی بُلسا بیرنَچه واقتلاپ آسیا وِلایاتیندا قالدی. اِفِسُسداقی قالماغال 23 شُل واقتلار «عیسانینگ یُلی» دُغرولیغیندا اولی قالماغال توردی. 24 دیمیتریوس آدلی بیر کوموشچی باردی. اُل کوموشدِن آرتِمیس بُتخاناسینینگ صوراتلارینی یاساماق بیلِن اوسّالارا کَن قازانچ گِتیرِردی. 25 دیمیتریوس اوسّالاری و شونونگ یالی ایش بیلِن مِشغولّانیانلاری اویشوریپ، شِیله دییدی: «آداملار! بیزینگ شو هونَرینگ اوستو بیلِن قاوی قازانچ اِدیَندیگیمیزی اُزونگیز بیلیَنسینگیز. 26 اِمّا پولسینگ: ”اینسان اِلی بیلِن یاسالان خودایلار آصلا خودای دَلدیر“ دییّپ، دینگه اِفِسُسدا دَل، باشغا، تامام آسیا وِلایاتیندا کَن آداملاری ایناندیریپ آزدیراندیغینی-دا گُروپ-اِشیدیَنسینگیز. 27 بیزینگ بو هونَریمیزه خالقینگ آراسیندا آبرایدان دوشمِک خاطاری یاقینلایار. دینگه بو خاطار دَل، اُندا، بِییک آیال خودای آرتِمیسینگ عیباداتخاناسینینگ-دا هیچ حاساپلانیپ، تامام آسیا وِلایاتینینگ و دونیَه‌نینگ عیبادات اِدیَن خودایینینگ بِییکلیگی هیچ بُلماغی آخمال.» 28 اُلار مونی اِشیدِنلِرینده، قاهار-غاضابدان دُلوپ: «اِفِسُسلارینگ آرتِمیسی بِییکدیر!» دییّپ قیغیرماغا باشلادیلار. 29 شِیدیپ، شَهرینگ هِمّه یِرینَه قالماغال توردی. خالق مَقدونیه‌لی قایوس بیلِن آریستارخوسی توتوپ، هِمّه‌سی بیرلیکده اُلاری تُماشا مِیدانینا سویرَپ گِتیردیلِر. بو ایکیسی یُلدا پولسه یُلداش بُلوپدیلار. 30 پولس خالقینگ آراسینا گیرمِکچی بُلاندا، شَگیرتلِر اُنی گُیبِرمِدیلِر. 31 اُنونگ دُستلاری بُلان آسیا وِلایاتینینگ حاکیملِریندِن کَبیری-ده پولسه خابار یُلّاپ، تُماشا مِیدانیندا گُرونمِزلیگینی خاییش اِتدیلِر. 32 تُماشا مِیدانینداقی جِماغات باشاغایلیغا دوشدی. اُلارینگ هِر هایسی بیر زات دییّپ قیغیریاردی. کَنسی نَمه اوچین اویشِنلِرینی هِم بیلمِیَردی. 33 اُنسُنگ یَهودیلِرینگ ایتیکلِمِگی بیلِن، جِماغاتینگ ایچیندِن اسکندر دییِن بیر آدامی اُوه چیقاردیلار. کَبیر آداملار نَمه دییمِلیدیگینی اُنگا قیغیریپ آیتدیلار. اسکندر اِلی بیلِن ایشارات اِدیپ، خالقینگ اُوونده کِپلَپ، اُزونی قُریجاق بُلدی. 34 اِمّا خالق اُنونگ یَهودیدیگینی بیلِنده، هِمّه‌سی بیراغیزدان: «اِفِسُسلارینگ آرتِمیسی بِییکدیر!» دییّپ، ایکی ساغاتلاپ قیغیریپ دوردیلار. 35 شَهرینگ شَهرداری جِماغاتی کُشیشدیریپ، شِیله دییدی: «اِی اِفِسُسلار! بِییک آرتِمیس عیباداتخاناسینینگ و آسماندان اینِن صوراتینینگ قُرییانچیسینینگ اِفِسُس شَهریدیگینی کیم بیلمِیَر؟ 36 مونی هیچ کیم اینکَر اِدیپ بیلمِز. شُنونگ اوچین هِم اُزونگیزی راحات آلیپ باریپ، دوشونجِلی حِرِکِت اِتمِلیسینگیز. 37 بو آداملار نه عیباداتخانا اُغروسی، نه-ده خوداییمیزا دیل یِتیریپدیرلِر، اِمّا سیز اُلاری بو یِره گِتیردینگیز. 38 دیمیتریوسینگ یا-دا اُنونگ یانینداقی اوسّالارینگ بیرینه قارشی داعوالاری بار بُلسا، مَحکِمَه‌نینگ قاپیلاری آچیق، اُل یِرده قاضیلار بار. قُی، بیری-بیرینه قارشی عاییپلامالارینی آیدیپ، شُل یِرده عارض اِتسینلِر. 39 باشغا بیر چاره گُرمِکچی بُلسانگیز، اُندا اُل قانونی ییغناقدا چُزولِر. 40 بو گونکی واقالار اوچین، بیزی قالماغال توروزماقدا عاییپلاماقلاری آخمال. بیزده بو قالماغالی آقلاپ بیلجِک هیچ بیر دِلیل یُق.» 41 اُل شِیله دییدی-ده، اویشِن جِماغاتی دارغادیپ گُیبِردی. |
© Turkmen Truth