۳ یوحنا 1 - مُقادِّس کیتابسالاملار 1 چیندان سُییَن عزیز دُستوم قایوسا مِن کِلیسانینگ یاشولیسیندان دُغایی سالام. 2 عزیز دُستوم، روحونگ بِییک بُلشی یالی، هِمّه ایشلِرینگ رُواچلانسین و جانینگ ساغ بُلسون! 3 دُغانلار گِلیپ، سِنینگ حاقیقاتا وِفاداردیغینگی و حاقیقاتا گُرَه یاشایاندیغینگی خابار بِرِنلِرینده، مِنینگ شاتلیغیمینگ اِندازاسی یُق. 4 مِنینگ اوچین فِرزِنتلِریمینگ حاقیقاتا گُرَه یاشایاندیقلارینی اِشیتمِکدِن اولی شاتلیق یُقدور. اُوگولِر و ناصیحاتلار 5 عزیز دُستوم، سِن دُغانلارا، حتّیٰ تانیمییانلارینگا-دا صادیقلیق بیلِن خیدمات اِدیَرسینگ. 6 اُلار سِنینگ سُیگینگ بارادا کِلیسانینگ حوضوریندا شاهاتلیق اِتدیلِر. اِگِر سِن اُلاری خودایا میناسیپ یُلدا یُلا سالسانگ، یاخشی ایش اِدِرسینگ. 7 اُلار مسیحینگ آدینینگ خاطیرینا یُلا چیقدیلار و ایمانسیزلاردان هیچ کُمِکی آلمازلیغی قارار اِتدیلِر. 8 بیز حاقیقات اوغروندا بیله ایشلَر یالی، شِیله آداملاری قُلداماغا بِرگیلیدیریس. 9 مِن کِلیسا بیر نامه یازیپدیم، یُنه اُلارینگ آراسیندا باشلیق بُلماغی حالایان دیوترِفیس بیزی قابول اِتمِیَر. 10 شُنگا گُرَه-ده، اِگِر بارایسام، اُنونگ اِتمیشلِرینی یادینا سالارین. اُل بیز بارادا بیدِرِک کِپ یایرادیپ، تُهمِت اوریار. مونگادا راضی بُلمان، دُغانلاری-دا قابول اِتمِیَر، قابول اِتجِکلِره-ده پَسگِل بِریپ، اُلاری کِلیسادان کُویار. 11 عزیز دُستوم، سِن یاماندان دَل-ده، یاخشیدان دِرس آل. یاخشیلیق اِدیَن آدام خودایداندیر. یامانلیق اِدیَن آدام بُلسا خودایی تانییان دَلدیر. 12 دیمیتریوس بُلسا هِمّه‌لِرینگ طارافیندان سیلانیان آدامدیر، حاقیقاتینگ اُزی مونگا شاهاتدیر. بیز هِم اُل حاقدا یاخشی فیکر اِدیَریس، کِپیمیزینگ حاقیقاتدیغینی اُزونگ بیلیَنسینگ. خوشلاشما سُزی 13 سانگا یازمالی زاتلاریم کَن، اِمّا اُلاری مُرِکِّب، قَلَم بیلِن یازاسیم گِلِنُق. 14 سِنی باسیمراق گُروپ، یوزبه-یوز گورلِشِریس دییِن اومیدیم بار. 15 ساغ-سالامات بُل! دُستلاریمیز سانگا سالام یُلّایارلار. اُل یِردَکی دُستلاریمیزینگ هِمّه‌سینه یِکه-یِکه سالام آیت. |
© Turkmen Truth