۲ تیموتاوس 3 - مُقادِّس کیتاب

آخیرقی گونلِر بارادا

¹ اِمّا، اِی اُغلوم، آخیرقی گونلِرده قین واقتلارینگ بُلجاقدیغینی بیلیپ قُی.‏

² آداملار دینگه اُزونی سُییَن، پولا هُوِسلی، اُزونی اُویَن، مَغرور، خودایا دیل یِتیریَن، اِنه-آتاسینا قولاق آسمایان، قادیر بیلمِز، دُغری بُلمییان،

³ رِحمسیز، باغیشلامایانچی، تُهمِتچی، پِرهیزسیز، ظالیم، یاخشیلیغا دوشمان،

⁴ خایین، تِرتیبسیز، غُرورلی بُلوپ، کِیپی-صاپانی خودایدان کَن سُیِرلِر.‏

⁵ اُلار دیندار گُرونسیلِر-ده، خودایینگ گویجونی اینکَر اِدیَندیرلِر.‏ بِیله آداملاردان داش دور.‏

⁶ اُلار آداملارینگ اُیلِرینه سوملوپ گیریَرلِر.‏ گونَه‌لِری باشیندان گِچِن، هِر هیلی هُوِسلِره ایسلِگلی، یِنگیل آیال‍لاری هِر طارافا چِکیَرلِر.‏

⁷ بو آیال‍لار هِمیشه تَعلیم آلماغا گیریشسِلِر-ده، حاقیقات بیلیمینه آصلا یِتیپ بیلمِیَرلِر.‏

⁸ یَنّیس بیلِن یَمبریسینگ موسی قارشی چیقیشی یالی، بو آداملار هِم حاقیقاتا قارشی چیقیاندیرلار.‏ اُلارینگ فیکری ضایالانان و ایمانلاری رِد اِدیلِندیر.‏

⁹ اِمّا اُلار اُز اِدِنلِریندِن اُوه گیتمِزلِر.‏ یَنّیس بیلِن یَمبریسینگکی یالی، اُلارینگ-دا آحماقلیغی هِمّه‌لِره بِلّی بُلار.‏

تیموتاوسا بِریلیَن ناصیحاتلار

¹⁰ اِمّا سِن مِنینگ تَعلیماتیمی، بُلوشیمی، ماقصادیمی، ایمانیمی، صابیر-طاقاتیمی، سُیگیمی، جیداملیلیغیمی بیلیَنسینگ.‏

¹¹ انطاکیه، قونیه و لِستره شَهرلِریندَکی آزارلانمالار سِبَبی گُرِن زَحمِتلِریمی، اُلارا نَدِرِجِده جیداندیغیمی هِم بیلیَنسینگ.‏ خودای مِنی بو زَحمِتلِرینگ باریندان آزاد اِتدی.‏

¹² کُپلِنچ، عیسی مسیحده لاییق بُلوپ و خودایینگ اِراداسیندا یاشاماق ایسلِیَنلِرینگ باری آزارلانمالارا سِزاوار بُلار.‏

¹³ اِمّا شِرلِر و یالانچیلار بُلسا آلداپ، آلدانیپ، اُز شِرلیکلِرینده باردیغچا اُوه گیدِرلِر.‏

¹⁴ اِمّا سِن اُز اُورِنِن و اینانیان تَعلیماتینگا وِفالی قال.‏ چونکی اُنی کیملِردِن اُورِنِندیگینگی بیلیَنسینگ.‏

¹⁵ سِن مُقادِّس یازغیلاری هِم اُغلانلیقدان بَری بیلیَنسینگ.‏ بو یازغیلار عیسی مسیحه بُلان ایمانینگ اوستو بیلِن سانگا حِکمِت بِریپ، نِجات تاپماغینگ یُلونی گُرکِزِر.‏

¹⁶ مُقادِّس یازغیلارینگ هِمّه‌سی خودایینگ ایلهامی بیلِن یازیلدی.‏ اُلار تَعلیم بِرمِک، اِدِب اِتمِک، یُلا گِتیرمِک، تاقوالیقدا تِربیِتلِمِک اوچین پِیدالیدیر.‏

¹⁷ شِیدیپ، خودایینگ آدامی هِر بیر قاوی ایش اوچین کَمیل تاییار بُلار.‏