۲ تیموتاوس 1 - مُقادِّس کیتاب

^1-2 عیسی مسیحینگ رِسولی مِن پولسدِن سُیگولی اُغلوم تیموتاوسا دُغایی سالام!‏ خودای مِنی عیسی مسیحینگ اوستو بیلِن بِرِن یاشاییش واعداسینی اِعلان اِتمِک اوچین سایلادی.‏ قُی، آتامیز خودایینگ و تانگریمیز عیسی مسیحینگ مِرحِمِتی، رِحم-شِپاقاتی و پاراحاتلیغی سانگا بُلسون!‏

پولس تیموتاوس اوچین خودایا شوکور اِدیَر

³ مِن هِم آتا-بابالاریم یالی خودایا پَک وِجداندان خیدمات اِدیَرین.‏ دُغالاریمدا سِنی گیجه-گوندیز اِلمیداما یادلاپ، خوداییما شوکور اِدیَرین.‏

⁴ مِن خوشلاشماقلیق فُرصَتینداقی گُزیاشلارینگی یادلایارین، شاتلیقدان دُلماق اوچین سِنینگ بیلِن دیدارلاشماغی ایسلِیَرین.‏

⁵ سِنینگ عیسی مسیحه بُلان حاقیقی ایمانینگی یادلایارین.‏ اُزال مامانگ لوئیسینگ و سُنگرا اِنه‌نگ اِفنیکینینگ قالبیندا مِسکِن توتان ایمانینگ ایندی سِنینگ قالبینگدا هِم یاشایاندیغینا قاتی اینانیارین.‏

پولس تیموتاوسا ناصیحات بِریَر

⁶ شُنونگ اوچین، یِنه-ده بیر گِزِک قایتالایارین:‏ باشینگا اِل‍لِریمی قُیماغینگ اوستو بیلِن خودایدان آلان روحی ناغماتینی گویچلی یاغتیلات،

⁷ چونکی خودای بیزه قُرقاقلیق روحونی دَل-ده، گویچ، سُیگی و اُز نِفسینی ساقلایان روحونی بِرِندیر.‏

⁸ شُنونگ اوچین-ده، عیسی مسیح بارادا شاهاتلیق اِتمَگه اوتانما.‏ اُنونگ خاطیراسینا زیندان اِدیلِنلیگیمدِن-ده اوتانما.‏ تِرسینه، خودایینگ بِریَن گویجی بیلِن خوش خابارینگ اوغروندا گُریَن زَحمِتلِریمه شِریک بُل.‏

⁹ خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

¹⁰ ایندی نِجات بِریَنچیمیز عیسی مسیحینگ گِلمِگی بیلِن آیان اِدیلدی.‏ اُل اُلومی باطیل اِدیپ، خوش خابارینگ اوستو بیلِن باقی یاشایشی و اُلمِزلیگی آیان اِتدی.‏

¹¹ مِن هِم بو خوش خابارینگ اِعلانچیسی، رِسولی و مُعلِّمی اِدیلیپ بِلِّندیم.‏

¹² اِدیل شو سِبَبه گُرَه زَحمِت بارینی گُریَن بُلسام-دا، موندان آصلا اوتانمایارین، سِبَبی کیمه ایمان گِتیرِنیمی بیلیَرین.‏ اُنونگ مانگا تابشیران زادینی قیامات گونونه چِنلی ساقلاماغی باشارجاقدیغینا گویچلی اینانیارین.‏

¹³ سانگا اُورِدِن دُغری تَعلیماتیمی نِمونه حُکمونده قاییم توتوپ، عیسی مسیحینگ بِریَن ایمانینا و سُیگوسینَه قاتی یاپیش.‏

¹⁴ اُزونگه تابشیریلان قاوی تَعلیماتی بیزده مِسکِن توتان مُقادِّس روحونگ اوستو بیلِن ساقلا.‏

¹⁵ سِن آسیا وِلایاتینداقیلارینگ هِمّه‌سینینگ، شُل حاساپدا فیگِلوسینگ و هِرموگِنِسینگ مِنی تِرک اِدِندیکلِرینی بیلیَنسینگ.‏

¹⁶ قُی، خوداییمیز اُنیسیفوروسینگ اُی-ایچِرسینه رِحمِت بِرسین.‏ سِبَبی اُل اِنچِمه گِزِک مانگا گُوونلیک بِریپ، مِنینگ زیندانلیغیمدان اوتانمادی.‏

¹⁷ تِرسینه، روما گِلیپ، تا مِنی تاپیانچا، قایرات اِدیپ گُزلِدی.‏

¹⁸ قُی، خودای قیامات گونی اُنگا اُز رِحمِتینی گُرکِزسین!‏ اُنونگ اِفِسُسدا مانگا نَهیلی یاردیم بِرِندیگینی اُزونگ-ده بیلیَنسینگ.‏