۲ تِسالونیکیلِر 3 - مُقادِّس کیتاببیزینگ اوچین دُغا اِدینگ 1 آخیری، اِی عزیزلِر، خوش خابار سیزینگ آرانگیزدا باسیم یایراپ، بِییکلِندی. اُل بِیلِکی یِرلِرده-ده شِیله بُلار یالی، بیزینگ اوچین دُغا اِدینگ. 2 ظالیم و یامان آداملاردان خالاص بُلوپ بیلمِگیمیز اوچین-ده دُغا اِدینگ. چونکی خودایا آداملارینگ هِمّه‌سی اینانیان دَلدیر. 3 اِمّا تانگری عیسی اِمیندیر. اُل سیزه قووات بِرِر و یامانلیقلاردان قُرار. 4 بیزینگ تابشیریقلارمیزی اِدیَندیگینگیز، گِلجِکده-ده اِتجِکدیگینگیز باباتدا تانگری عیسی بیزی ایناندیریار. 5 قُی، تانگری عیسی یورِکلِرینگیزی خودایی سُیمَگه و مسیحه صادیق بُلماغا دُغری یُلا سالسین. چُرِگینگیزی اُزونگیز قازانینگ 6 اِی عزیزلِر، بیکَر گِزیپ، بیزینگ تَعلیماتیمیزا گُرَه یاشامایان هِر بیر دُغاندان داش دورماغی تانگریمیز عیسی مسیحینگ آدیندان سیزه تابشیریاریس. 7 چونکی بیزینگ بُلشومیزدانگ نَهیلی نِمونه آلماغینی اُزونگیز بیلیَنسینگیز. بیز سیزینگ آرانگیزداقاق، بیکَر گِزمِدیک، 8 هیچ کیمینگ چُرِگینی مُفت اییمِدیک. قایتام، سیزینگ هیچ بیرینگیزه آغرام سالماجاق بُلوپ، گیجه-گوندیز ایشلَپ، زَحمِت چِکدیک. 9 بیزینگ سیزدِن کُمِک آلماغا حاقیمیز بُلسا-دا، اُنی طالاب اِتمِدیک. سِبَبی نِمونه‌میزه دایانیپ بیلِرینگیز یالی، مونی بیزدِن نِمونه آلماق اوچین اِتدیک. 10 بیز حتّیٰ سیزینگ یانینگیزداقاق: «کیم ایشلِمِجِک بُلسا، داماق-دا اییمِسین» دییّپ تابشیریپدیق. 11 چونکی بیز آرانگیزدا کَبیرلِرینگیزینگ بیکَر گِزیَندیگینی اِشیدیَریس. اُلار اُز ایشلِری بیلِن بُلمان، باشغالارینگ ایشینه قُشولیارلار. 12 شِیله آداملارا کِپ-گورّونگسیز ایشلِمِگی و اُز چُرِکلِرینی قازانماغی تانگریمیز عیسی مسیحینگ آدیندان تابشیریپ ناصیحات اِدیَریس. 13 اِمّا سیز بُلسا، اِی عزیزلِر، یاخشیلیق اِتمِکده یادامانگ. 14 اِگِر هِر کیم بو نامه‌دا تَعلیماتیمیزا قولاق آسماسا، اُنی سین اِدینگ. اُل اوتانار یالی، اُنونگ بیلِن قاتناشمانگ. 15 یُنه اُنی دوشمان حاساپلامانگ، قایتام بیر دُغان حُکمونده اُنگا ناصیحات بِرینگ. سالاملار 16 پاراحاتلیغینگ چِشمه‌سی بُلان مسیحینگ اُزی سیزه هِمیشه، هِر یاغدایدا پاراحاتلیق بِرسین! مسیح بارینگیزا یار بُلسون! 17 مِن پولسدِن سیزه سالام بُلسون. مونی اُز اِلیم بیلِن یازیپ، هِر نامه‌می شِیله بیلدیریپ تاماملارین. 18 تانگریمیز عیسی مسیحینگ مِرحِمِتی، قُی سیزینگ بارینگیز بیلِن بُلسون! |
© Turkmen Truth