۲ تِسالونیکیلِر 1 - مُقادِّس کیتاب1 آتامیز خودای و تانگریمیز عیسی مسیحینگ تِسالونیکیدَکی کِلیسالارینا پولس، سیلاس و تیموتاوس‌دان دُغایی سالام! 2 آتامیز خودای و تانگریمیز عیسی مسیحینگ مِرحِمِتی و پاراحاتلیغی سیزه بُلسون! شوکور و دُغا 3 اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار. شُنگا گُرَه-ده، بیز هِمیشه خودایا شوکور اِتمِلیدیریس. بو خاص گِرِکلیدیر. 4 بیز خودایینگ کِلیسالارینینگ آراسیندا سیز باباتدا قاباریاریس. سِبَبی سیز آزارلانیپ، قینچیلیق بارینی گُرسِنگیز-ده، ایماندا قاییم دوروپ، اُلارینگ هِمّه‌سینه جیدایارسینگیز. 5 خودایینگ عادالاتی شو گُریَن قینچیلیقلارینگیز سِبَبی آیان بُلار: سیز خودایینگ پادیشاهلیغینا میناسیپ حاساپلانارسینگیز. چونکی سیز شُنونگ ایزیندا قینچیلیق گُریَنگیز آخیرین. 6 خودای عادالاتلیدیر. اُل سیزه اِذیِت چِکدیریَنلِره عُوِضینه اِذیِت بِرِر، 7 اِمّا اِذیِت چِکِن سیزه بیزینگ بیلِن بیله آسودالیق بِرِر. بو زاتلار تانگریمیز عیسی اُز گویچلی پِریشده‌لِری بیلِن توتوشان اُد ایچینده آسماندان گُرونِن واقتی بُلار. 8 خودایی تانیمییانلاری و تانگریمیز عیسی باراداقی خوش خابارا موطیع بُلمادیقلاری جِزالاندیرار. 9 اُلار تانگری عیسانینگ حوضوریندان و اُنونگ قودراتینینگ بِییکلیگیندِن ماحروم اِدیلیپ، اِبِدی هِلَکچیلیک جِزاسینی چِکِرلِر. 10 اُنونگ مُقادِّسلِری بُلسا گِلجِک شُل گونونده و ایمان گِتیرِنلِرینگ هِمّه‌سی اُنی بِییکلِندیرِرلِر. بولارا سیز هِم لاییقسینگیز، سِبَبی سیز اُزونگیزه اِدیلِن شاهاتلیقلارا ایناندینگیز. 11 شُنگا گُرَه-ده، بیز هِمیشه سیزینگ اوچین دُغا اِدیَریس، قُی، خودای سیزی اُز چاغیریشینا میناسیپ حاساپلاسین و هِمّه یاخشی نییِتلِرینگیزی و ایماندان عِمِل آلان هِر بیر ایشینی خودای اُز قودراتی بیلِن یِرینه یِتیرسین. 12 بیز مونی خودای و تانگریمیز عیسی مسیحینگ مِرحِمِتینه گُرَه، تانگریمیز عیسانینگ آدی سیزده بِییکلِنسین و سیز هِم اُندا بِییکلِنینگ دییّپ شو دُغالاری اِدیَریس. |
© Turkmen Truth