۲ پِطرُس 2 - مُقادِّس کیتابیالان مُعلِّملِرینگ یامانلیغی 1 اُزال خالق آراسیندا یالان پیغامبارلارینگ بُلشی یالی، سیزینگ آرانگیزدا-دا یالان مُعلِّملِر گُرونِر. اُلار اُغرینچا هِلَک اِدیَنچی و یالان تَعلیماتلار گِتیرمِک بیلِن، اُزلِرینی قارانگقیلیقدان بُشادان مسیحی هِم اینکَر اِدِرلِر. شِیدیپ، اُز باشلاریندان بیردِن بِلا و اُلوم ایندِرِرلِر. 2 کَن آداملار اُلارینگ آخلاقسیزلی یُل‍لارینینگ ایزینا دوشِرلِر، شُلار سِبَپلی حاقیقات یُلونی یامانلارلار. 3 آچگُزلیکدِن یانگا بو یالان مُعلِّملِر اُز یالان حِکایاتلاری بیلِن سیزدِن پِیدالانانلار. شُنونگ اوچین اُلارینگ جِزاسی قادیمدان تاییار دوراندیر و هِلَکچیلیگی بُلسا گیجَه قالماز. 4 خودای حتّیٰ گونَه ایش اِدِن پِریشده‌لِره-ده رِحم اِتمِدی. قیامات گونونگ مَحکِمه‌سینه چِنلی ساقلانسینلار دییّپ، اُلاری زینجیرلاپ، دُوزاخینگ توم قارانگقی گِردابینا باغلاپ قُیدی. 5 خودای قادیمی دونیَه هِم رِحم اِتمِدی. اُل خودایسیزلار دونیَه‌سینی سیل آلدیردی، دینگه تاقوالیغینگ واغیظچیسی نوحی و اُندان باشغا یِدی کیشینی آمان قالدیردی. 6 سُدوم و غَموره شَهرلِرینی یاقیپ-کول اِدیپ و وِیران بُلماغینا مَحکوم اِتدی و بولاری گِلجِکده خودایسیزلارا نَمه بُلجاقدیغینی بیلمَگه دِرس بُلسون دییّپ اِتدی. 7 فاسیقلارینگ آخلاقسیز یاشایشیندان اِذیِت چِکِن تاقوالی لوطی نِجات بِردی. 8 تاقوالی لوط بو خالقینگ آراسیندا یاشاپ، اُلارینگ تِلِکه ایشلِرینی گُروپ-اِشیتمِک بیلِن، اُز تاقوالی یورِگینده هِر گون عاذاپ چِکِردی. 9 گُرشونگیز یالی، خودای تاقوالی آداملاری ایمتِحاندان نَهیلی نِجات بِرمِلیدیگینی، یامانلیق اِدیَنلِری بُلسا قیامات گونی چِنلی جِزا آشاغیندا نَهیلی ساقلامالیدیغینی بیلیَندیر. 10 باشغادا-دا، تِلِکه هُوِسلِرینه کُوالاشیپ، خودایینگ حُکومدارلیغینی اَهمییِت بِرمِیَنلِری-ده نَمه اِتجِگینی اُل بیلیَندیر. بِیله آداملار اُزلِرینی باتیر بیلیپ، مَغرور بُلیارلار و آسمانداقی گویچلِره یامانلاماقدان قُرقمایارلار. 11 پِریشده‌لِر حتّیٰ بولاردان خاص گویچلی و قودراتلی بُلسالار-دا، خودایینگ حوضوریندا آسمانداقی گویچلِره یامانلاماغا-دا فیکر اِتمِیَرلِر. 12 اِمّا بو آداملار دوشونمِیَن زاتلارینا یامانلییارلار. اُلار شِکار اِدیلیپ و یُق اِدیلمِک اوچین دُغلان دوشونجِسیز وَحشی حایوانلار و اُز اوغرونا حِرِکِت اِدیَن مَخلوقلار یالیدیرلار. بولار حایوانلار یالی-دا هِلَک بُلوپ گیدِرلِر. 13 اُلار اُز اِدِن یامانلیقلارینا لاییق جِزاسینی آلارلار. اُلار گوندیزینگ گونی کِیپ چِکمِکدِن جُشیارلار. بولار ماسغارا هِم یوزوقارادیرلار. ضیافات واقتیندا هِم اُلار اُزلِرینینگ مِکرلیکلِریندِن کِیپ آلیارلار. 14 اُلارینگ زینادان گُزلِری دُیمایار، هیچ واقت گونَه‌نی بِس اِتمِیَرلِر. اُلار اویتگَپ دوریان آداملاری دوزاغا دوشوریپ آزدیریارلار. اُلارینگ قالبی آچگُزلیگه بِجِرلیپ، لَعنِتلِنِن آداملاردیر. 15 اُلار بِعور اُغلی بَلعامینگ ایزینا دوشمِک بیلِن، دُغری یُلی تِرک اِدیپ آزاشدیلار. بَلعام حارام یُل بیلِن پول قازانماغی حالادی. 16 اِمّا اُنونگ گونَه‌سی فاش بُلدی. دیلسیز-آغیزسیز اِشِک اینسان دیلینده کِپلَپ، پیغامبارینگ کِم عاقیلیغینا پَسگِل بُلدی. 17 بو آداملار بُلسا قوراپ قالان چِشمه‌لِردیر و گویچلی یِلینگ کُویان اوموردیر. دُوزاخدا توم قارانگقیلیق شُلار اوچین ساقلانیاندیر. 18 چونکی اُلار یالنگیش یُلدان تَزه قاچیپ آزاد بُلانلاری بُش و غُرورلی سُزلِری بیلِن تِلِکه کِیپه گویچلِندیریپ، اینسان هُوِسلِری بیلِن اُلاری دوزاغا دوشوریَرلِر. 19 اُزلِری فاسیقلیغینگ قولی بُلوپ-دا، اُلارا آزادلیغی واعدا بِریَرلِر، سِبَبی آدام نَمِدِن باسیلسا، اُنونگ قولی بُلیاندیر. 20 آداملار تانگریمیز هِم نِجات بِریَنچیمیز عیسی مسیحی تانیماقینگ اوستو بیلِن دونیَه‌نینگ تِلِکه‌لیکلِریندِن قاچیپ سیپدیلار. اِگِر اُلار موندان سُنگرا هِم یِنه شونونگ یالی ایشلِره اِل اورسا و گونَه‌نینگ قولی بُلسالار، اُندا اُلارینگ آخیرقی یاغدایی اُوالقی یاغداییندان-دا بِتِر بُلار. 21 تاقوالیق یُلونی بیلِندِن سُنگ، اُزلِرینه تابشیریلان مُقادِّس حُکومی اینکَر اِدِنیندِن بو یُلی آصلا بیلمِزلیک اُلار اوچین خاص قاوی بُلاردی. 22 اینه: «ایت اُز قوسوغینا دُلانیپ گِلِر»، شِیله هِم: «یوونان دُنگوز یِنه باتغا بولاشماغا گِلِر» دییِن ناقیل‍لارینگ حاقیقاتدیغینی اُلار اُز دورموشیندا بِلّی اِتدیلِر. |
© Turkmen Truth