۲ پِطرُس 1 - مُقادِّس کیتابسالاملار 1 عیسی مسیحینگ خیدماتچیسی و رِسولی مِن شمعون پِطرُسدان خوداییمیز و هِم نِجات بِریَنچیمیز عیسی مسیحینگ عادالاتلیغینینگ اوستو بیلِن بیزینگ ایمانیمیز یالی قیماتلی ایمانا اِیه بُلانلارا دُغایی سالام! 2 خودایی و تانگریمیز عیسانی تانیماغینگ اوستو بیلِن بُلدان-بُل مِرحِمِت و هِم پاراحاتلیق سیزه بُلسون! ایماندا بودریمِک 3 خودایینگ یُلینا گُرَه یاشاماغیمیز اوچین اُل اُز گویجینینگ اوستو بیلِن بیزه گِرِک بُلان هِمّه زادی بِردی. اُل مونی یاخشیلیق و بِییکلیک بیلِن بیزی چاغیرانی تانیماغیمیز اوچین اِتدی. 4 خودای بیزه خاص قیماتلی و اولی واعدالاری بِردی. اُل بو واعدالارینگ اوستو بیلِن سیزینگ بو دونیَه‌دَکی تِلِکه هُوِسلِردِن دُرِیَن آخلاقسیزدان داش دوروپ، اُز طِبیغاتینا شِریک بُلماغینگیزی نییِت اِتدی. 5 شُنگا گُرَه-ده، ایمانینگیزدا خاص هِم قاییم دورماغا چالیشینگ. شِیدیپ، ایمانینگیزدا یاخشیلیق، یاخشیلیقدا بیلیمی، 6 بیلیمده نِفسینگی ساقلاماقلیغی، نِفسینگی ساقلاماقلیقدا صابیرلیغی، صابیرلیقدا تاقوالیغی، 7 تاقوالیقدا مِهرِبانلیغی، مِهرِبانلیقدا خودایینگ سُیگوسینی آرتدیرماغا چالیشینگ. 8 شو قاوی قیلیقلار سیزده بار بُلسا و کَنِلسه، اُندا سیز تانگریمیز عیسی مسیحی تانیماقدا پِیداسیز و هِم نِتیجه‌سیز قالمارسینگیز. 9 کیمده بو قیلیقلار یُق بُلسا، اُل اوزاغی گُریَن دَلدیر، حتّیٰ کُردور، اُوالقی گونَه‌لِریندِن پَکلِنِندیگینی اونوداندیر. 10 شُنونگ اوچین هِم، اِی عزیزلِر، خودای طارافیندان چاغیریلاندیغینگیزی و سایلاناندیغینگیزی بِلّی اِتمَگه ایخلاص اِدینگ. شِیله اِتسِنگیز، آصلا ایماندا بودریمِرسینگیز. 11 شُندا تانگریمیز و نِجات بِریَنچیمیز عیسی مسیحینگ اِبِدی پادیشاهلیغینا گیرمِک سیزه بُلدان-بُل بِرلِر. مُقادِّس یازغیلاردان اُورِنینگ 12 سیز بو زاتلاری بیلسِنگیز-ده، اُزونگیزدَکی حاقیقاتدا قاییم دورسانگیز-دا، مِن بولاری سیزه هِمیشه یادلادیپ دورارین. 13 مِن ایندی یاشایان آز واقتلایین چادیریمدان، یَعنی بِدِنیمدِن گیدیَنچَم، بولاری یادینگیزا سالماق بیلِن سیزینگ فیکرینگیزی آچیپ دورماغی دُغری بیلیَرین. 14 سِبَبی تانگریمیز عیسی مسیحینگ مانگا بیلدیریشی یالی، بو آز واقتلایین چادیریمدان باسیم گُچمِلیدیگیمی بیلیَرین. 15 اُلِنیمدِن سُنگرا بو زاتلاری هِمیشه یادا سالماغینگیز اوچین چالیشارین. 16 سیزه تانگریمیز عیسی مسیحینگ قودرات بیلِن گِلشی حاقدا خابار بِرِنیمیزده، بیز یالان رِوایاتلارینگ ایزینا دوشمِدیک. بیز اُنونگ بِییکلیگینی اُز گُزومیز بیلِن گُردوک. 17 بِییک خودایدان اُنگا: «بو مِنینگ عزیز اُغلومدیر، مِن اُندان کَن راضیدیرین» دییِن سِس گِلِنده، اُغول آتامیز خودایدان حُرمات و بِییکلیک قابول اِتدی. 18 اُنونگ بیلِن بیله مُقادِّس داغداقاق، آسماندان گِلِن بو سِسی بیز هِم اِشیتدیک. 19 شِیلِلیکده، پیغامبارلارینگ سُزی بیزینگ اوچین یِنه-ده خاص ایناملیدیر. تا گون دُغیانچا و دانگ ییلدیزی قالبینگیزا نور چالیانچا، قارانگقیلیقدا یاغتی سِچیَن نور یالی اُنگا دیقّات اِدینگ! 20 هِر زاتدان اُنگ شونی بیلیپ قُیونگ: مُقادِّس یازغیلارداقی نبوّتلیق سُزلِری پیغامبارلارینگ اُز دوشونجِسیندِن گِلیپ چیقان دَلدیر. 21 سِبَبی هیچ بیر پیغامبار اینسان ایسلِگی بیلِن نبوّت اِتمِدی. بو آداملار مُقادِّس روح طارافیندان آلنیپ و حِرِکِت اِتدیریلیپ، خودایدان گِلِن سُزلِری آیتدیلار. |
© Turkmen Truth