۲ قُرِنتُس‌لار 5 - مُقادِّس کیتابآسمانداقی مِسکِنیمیز 1 بیزینگ ایندی یاشایان فانی چادیریمیز، یَعنی بِدِنیمیز هِر هاچان وِیران بُلسا-دا، آسماندا اِل بیلِن بِجِریلمِدیک، خودایینگ بِلَّن اِبِدی مِسکِنیمیزینگ باردیغینی بیلیَریس. 2 چونکی شُل آسمانداقی مِسکِنیمیزه شو واقت گِیینمِگی کویسَپ، فانی چادیردا آخ چِکیَریس. 3 یُنه آسمانداقی مِسکِنیمیزه گِیینمَنکَک فانی چادیریمیزدان دینمالی بُلایساق-دا، آصلا یالانگاچ بُلماجاقدیغیمیزا گُزومیز یِتیَر. 4 اِمّا حَضیرلیکچه بو فانی چادیریمیزدا بُلوپ، حاسرات چِکیَریس، قینچیلیق گُریَریس، سِبَبی بو فانی چادیریمیزدان دیناسیمیز گِلِنُق. تِرسینه، خودایینگ بِلَّن مِسکِنینه گِینیپ، اِبِدی یاشایشا اُلمَکَک قاووشماغی کویسِیَریس. 5 چونکی خودای بیزی اِبِدی یاشایشا قاووشماغیمیز اوچین یارادیپ، مونونگ ضامِن حُکمونده بیزه مُقادِّس روحونی بِردی. 6 شُنونگ اوچین-ده، بِدِنیمیزده یاشایان واقتیمیزدا مسیحینگ یانینداقی مِسکِنیمیزدِن اوزاقدادیغیمیزی بیلسِک-ده، هِمیشه خاطیرجِمدیریس. 7 چونکی بیز گُریَن زاتلاریمیزا گُرَه دَل-ده، ایمانا گُرَه یاشایاریس. 8 هاووا، بیز شِیله خاطیرجِمدیریس. بیز مسیحینگ یانیندا مِسکِن توتوپ بیلِریمیز یالی، بِدِندِن آیریلانیمیزی قاوی گُریَریس. 9 اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس. 10 چونکی یاخشی بُلسون، یامان بُلسون – بِدِندِکَک اِدِن عِمِل‍لِریمیزه گُرَه پاییمیزی آلماق اوچین، هِمَّه‌میز مسیحینگ حُکوم تاختینینگ اُوونده دورمالیدیریس. عیسی مسیح بیزی خودای بیلِن یاراشدیریار! 11 بیز خودایدان قُرقماغینگ نَمِدیگینی بیلِنیمیز اوچین، باشغالاری هِم توبا اِتمِلیدیگی باراسیندا ایناندیرجاق بُلیاریس. بیزینگ نَهیلیدیگیمیز خودایا اَشکَردیر. بو سیزینگ وِجدانینگیزا هِم اَشکَردیر دییِن اومیدیم بار. 12 بیز یِنه-ده اُوونگیزده اُزومیزی تعریف اِتجِک بُلامزُق. یُنه پَک یورِکلِری بیلِن دَل-ده، داشقی گُرنوشی بیلِن قاباریانلارا جُغاپ بِریپ، بیز باباتدا قووانیپ بیلمِگینگیز اوچین سیزه دِلیل بِریَریس. 13 اِگِر بیز عاقیلدان آزاشان یالی گُرنِن بُلساق، بو خودای اوچیندیر، و اِگِر عاقیلّی گُرنِن بُلان بُلساق، بو سیزینگ اوچیندیر. 14 اِگِر بیر آدام هِمّه‌لِر اوچین اُلِن بُلسا، اُندا هِمَّه‌میز اُلِندیریس. شِیله فیکره گِلِنیمیز بَری عیسی مسیحینگ سُیگوسی بیزی حِرِکِت اِتمَگه هُوِسلِندیریَر. 15 هاووا، عیسی مسیح هِمّه‌لِرینگ اوغروندا اُلدی. اُل مونی یاشایانلار ایندی اُزلِری اوچین دَل-ده، اُلارینگ اوغروندا اُلِن و دیرِلِن مسیح اوچین یاشاسینلار دییّپ اِتدی. 16 شُنونگ اوچین-ده، بیز ایندی هیچ کیمه اینسان دوشونجِسیندِن باقمایاریس. بیر واقت عیسی مسیحه هِم اُزال شو دوشونجِدِن باقان بُلساق، موندان بِیلَک باقماریس. 17 شُنگا گُرَه-ده، کیم عیسی مسیحده بُلسا، اُل تَزه یارادیلیشدیر. کُهنه زاتلار گِچیپ گیتدی، ایندی هِمّه زات تَزه بُلدی! 18 بولارینگ باری خودایداندیر. اُل عیسی مسیحینگ اوستو بیلِن بیزی اُزی بیلِن یاراشدیریپ، بیزه یاراشدیرما خیدماتینی تابشیردی. 19 هاووا، خودای اینسانلارینگ گونَه‌لِرینی حاسابا آلمان، عیسی مسیحینگ اوستو بیلِن دونیَه‌نی اُزی بیلِن یاراشدیردی. یاراشدیرما باراداقی خابارینی بُلسا بیزه تابشیردی. 20 شُنگا گُرَه-ده، بیز عیسی مسیحینگ سِفیرلِریدیریس و خودای بیزینگ اوستومیز بیلِن چاقیریار. بیز سیزه مسیحینگ خاطیراسی اوچین یالباریاریس، خودای بیلِن یاراشینگ! 21 بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی. |
© Turkmen Truth