۲ قُرِنتُس‌لار 13 - مُقادِّس کیتابآخیرقی ناصیحاتلار 1 حَضیر سیزینگ یانینگیزا اوچونجی گِزِک باریاندیرین. سِبَبی مُقادِّس یازغیلاردا «هِمّه زات ایکی یا-دا اوچ شاهادینگ شاهاتلیق اِتمِگی بیلِن تاصدیقلانسین» دییّپ یازیلاندیر. 2 مِن یانینگیزا ایکینجی گِزِک بارانیمدا گونَه اِدیَنلِره و بِیلِکیلِره اُنگ خاباردارلیغی بِریپدیم. ایندی یانینگیزدا بُلماسام-دا، بیلدیرمِگیمی قایتالایارین: بارانیمدا اُلاری-دا، بِیلِکیلِری-ده آنگسات توتمارین. 3 سِبَبی سیز مسیحینگ مِنینگ اوستوم بیلِن گورلِیَندیگینی بِلّی اِدیَن دِلیل‍لِری طالاب اِدیَرسینگیز آخیرین. مسیح سیز بیلِن آراقاتناشیغیندا اِجیز دَل-ده، اُل سیزینگ آرانگیزدا گویچلیدیر. 4 عیسی مسیح اِجیزلیکده صلیبه چویلِنِن بُلسا-دا، ایندی خودایینگ قودراتینینگ اوستو بیلِن یاشایاندیر. اِدیل شُنونگ یالی بیز هِم مسیحینگ اِجیزلیگینه شِریک بُلماق بیلِن، سیزینگ اوغرونگیزدا خودایینگ قودراتینینگ اوستو بیلِن مسیحینگ یاشاییشینا هِم شِریکدیریس. 5 ایماندا قاییم دوروپ-دورمایانیلیغینگیزی بیلمِک اوچین، اُزونگیزی ایمتِحان اِدیپ گُرونگ. اُندا سیز عیسی مسیحینگ آرانگیزدادیغینی بیلمِیَنگیزمی نَمه؟ یا-دا سیز ایمتِحاندان گِچمِیَنلِردِنمی؟ 6 بیزینگ ایمتِحاندان گِچِندیگیمیزی بیلِرسینگیز دییِن اومیدیم بار. 7 بیز سیزینگ یامان ایشلِری اِتمِزلیگینگیز اوچین خودایا دُغالار اِدیَریس. شِیتمِک بیلِن، بیز اُزومیزی ایمتِحاندان گِچِن حُکمونده گُرکِزمِک ایسلَمزُق. تِرسینه، بیز ایمتِحاندان گِچمِدیک بُلوپ گُرونمِگیمیزده-ده، سیز یاخشی ایشلِری اِتسِنگیز، شُل بُلیاندیر. 8 چونکی حاقیقاتا قارشی چیقماغا قایراتیمیز یُقدور، بیز حاقیقاتینگ اوغروندا قایراتلیدیریس. 9 سِبَبی هاچان بیز اُزومیز اِجیز، سیز-ده گویچلی بُلانینگیزدا شاتلانیاریس. شُنونگ اوچین-ده، سیزینگ اُسمِنگیز و کَمیلِّشمِنگیز اوچین دُغا اِدیَریس. 10 مِن بولاری آرانگیزا بارمانقام یازیارین. مِن آرانگیزا بارانیمدان سُنگ، مسیحینگ مانگا بِرِن ایختییارینی پِیدالانیپ سیزه قاتی توتمایین دییّپ یازیارین. چونکی مسیح مانگا بو ایختییاری وِیران اِتمِک اوچین دَل-ده، آبادلاماق اوچین بِرِندیر. آخیرقی سالاملار 11 شونلوقدا، اِی عزیزلِر، شاتلانینگ! اُسمِگینگیز و کَمیلِّشمِگینگیز اوچین چالیشینگ، آیدیانلاریما قولاق آسینگ، بیر فیکرده بُلونگ، پاراحات یاشانگ. شُندا سُیگی و پاراحاتلیق خودایی سیزینگ بیلِن بُلار. 12 بیری-بیرینگیزی مُقادِّس اُغشاماق بیلِن سالاملاشینگ. 13 هِمّه ایماندارلار سیزه کَن سالام آیدیارلار. 14 قُی، تانگریمیز عیسی مسیحینگ مِرحِمِتی، خودایینگ سُیگوسی و مُقادِّس روحونگ قاتناشیغی سیزینگ هِمَّه‌نگیزده بُلسون! |
© Turkmen Truth