۲ قُرِنتُس‌لار 10 - مُقادِّس کیتابپولس اُز خیدماتینی قُرییار 1 مِن، پولس، هاووا، آرانگیزداقام یومشاق، اِمّا سیزدِن اوزاقداقام باتیر حاساپلانیان شُل پولسینگیز، عیسی مسیحینگ میلاییملیغی و مِهرِبانلیغی بیلِن خاییش اِدیپ، 2 یالباریارین: سیزینگ یانینگیزا بارانیمدا، مِنی سیزینگ بیلِن اَشکَر و آچیق گورلِشمَگه مِجبور اِتمَنگ. هاووا، مِن اُزومی بو دونیَه‌نینگ یُل‍لارینا گُرَه گِزیَندیر دییّپ فیکر اِدیَنلِر بیلِن شِیله گورلِشیپ بیلیَرین. یُنه اُزونگیز بیلِن شِیله گورلِشمَگه مِجبور اِتمَنگ. 3 بیز بو دونیَه‌ده یاشاساق-دا، دونیَه‌نینگ یُل‍لارینا گُرَه اوروشمایاریس. 4 چونکی بیزینگ جِنگ یاراغلاریمیز اینسان یاراغلاری دَل-ده، خودایینگ گویچلی یاراغلاریدیر. بیز اُلار بیلِن قلعه‌لِری ییقیپ، هِر یالان فیکری پوچا چیقاریاریس. 5 بو یاراغلار بیلِن خودای باراداقی بیلیمه قارشی چیقیان هِر بِییکلیگی وِیران اِدیَریس و هِر فیکری اِسیرلیگه آلیپ، اُنی عیسی مسیحه موطیع اِدیَریس. 6 سیزینگ عیسی مسیحه کَمیل موطیع‌دیغینگیزا گُز یِتیرِنیمیزده، هِر موطیع‌سیزلیغا جِزا بِرمَگه تاییاردیریس. 7 مِسه-معلیم گُرنوپ دورانا سِراِدینگ! اِگِر کیمدیر بیرینینگ اُزونینگ مسیحه دِگیشلیدیگی بارادا قاتی اینامی بار بُلسا، قُی، شونگا دوشونسین: بیز هِم اِدیل شُنونگ یالی مسیحه دِگیشلیدیریس. 8 مسیحینگ بیزه بِرِن ایختییاری باباتدا خاص کَنرَک قووانسام-دا، اوتانمارین. سِبَبی بو ایختییار ایمانینگیزی وِیران اِتمِک اوچین دَل-ده، اُنی آبادلاماق اوچین بِرلِندیر. 9 یُنه سیزی دینگه اُز نامه‌لاریم بیلِن قُرقوزجاق بُلیارمیقام دییّپ دوشونمَنگ. 10 کَبیر آداملار: «پولسینگ نامه‌لاری آغیر و گویچلی بُلسا-دا، اُنونگ اُزی آرامیزا گِلِنده اِجیز گُرونیَر. اُنونگ کِپی-ده هیچدیر!» دییّپ آیدیارلار. 11 شِیله دییَّن آداملار، قُی، شونی بیلیپ قُیسونلار: بیز اوزاقداقاق اُز نامه‌لاریمیزدا نَهیلی بُلساق، سیزینگ آرانگیزداقاق هِم شُلار یالی بُلاریس. 12 بیز اُزلِرینی بِیگِلدیَنلِرینگ کَبیرلِری بیلِن اُزومیزی بیر دِرِجه‌ده قُیماغا یا دِنگِمَگه یورِک-ده اِدیپ بیلِمزُق. اُلار اُزلِرینی اُز اُلچِکلِری بیلِن اُلچِیَرلِر و بیری-بیرلِرینی شُنگا گُرَه دِنگِشدیریَرلِر. واخ، نَهیلی نادانلیق! 13 بیز اِندازاسیز دَل-ده، خودایینگ اُزومیزه بِلَّن اِندازالاریندا قووانیاریس. بو اِندازالارینگ ایچینه سیز هِم گیریَنسینگیز. 14 بیز اُزومیزه بِلّی بُلنان اِندازادان چیقمایاریس. اِگِر سیزه بارمادیق بُلسادیق، اُندا بِلِّنِن اِندازادان چیقیپ، اِندازاسیز قوواندیغیمیز بُلاردی. سِبَبی بیز اَوَّلکی بُلوپ عیسی مسیحینگ خوش خابارینی سیزه-ده یِتیردیک آخیرین! 15 بیز اُز اِندازامیزدان داشاردا باشغالارینگ اِدِن ایشی بیلِن-ده قووانمایاریس. تِرسینه، سیزینگ ایمانینگیز گیتدیگیچه اُسوپ، سیزینگ آرانگیزداقی ایشیمیز خاص-دا یُقاری دِرِجه-ده اُسِر دییّپ اومید اِدیَریس. 16 شُندا بیز سیزینگ تُوِرِکلِرینگیزدِن خاص داشراق یِرلِرده-ده خوش خاباری واغیظ اِدیپ بیلِریس. سِبَبی بیز باشغاسینینگ سِرحِتلِریندَکی تاییار ایشلِر بیلِن قووانماق ایسلِمِیَریس. 17 اُندا، «هِر کیم قووانیان بُلسا، دینگه مسیحه قووانسین!» 18 چونکی اُزونی اُزی بِیگِلدیَن دَل-ده، مسیحینگ بِیگِلدیَنی قادیرلیدیر. |
© Turkmen Truth