۱ تیموتاوس 5 - مُقادِّس کیتابدول آیال‍لار باراداقی ناصیحاتلار 1 قارّی آدامی کَیِمه-ده، اُنی اُز آتانگ کیمین گُروپ، اِدِبلیک بیلِن ناصیحات بِر. یاش ییگیتلِره اُز دُغانلارینگ یالی، 2 قارّی آیال‍لارا اُز اِنه‌نگ یالی، یاش آیال‍لارا اُز آیال دُغانلارینگ یالی گُروپ، اُلارا پَک یورِکدِن ناصیحات بِر. 3 یِکه قالان آیال‍لاری چیندان دول بُلسالار، حُرمات قُی. 4 اِمّا دول آیالینگ فِرزِنتلِری یا آقتیقلاری بار بُلسا، قُی، حُکمَن اُلار اُنی ساقلاسینلار. و قُی، اُورِنسینلِر یاخشیلیغی اُیدِن باشلاسینلار و هِمّه زاتدان اُوونچَک اِنه-آتالارینا حُرمات قُیسونلار. چونکی بو خودایی خُشنود اِدیَندیر. 5 یِکه قالان دول آیال هِمّه اومیدینی خودایا باغلایاندیر. خودایدان یاردیم ایسلَپ، گیجه-گوندیز دُغا اِدیَندیر. 6 اِمّا عایش-عِشرِت چِکیَن دول یِکه اُزی دیری بُلسا-دا، روحی اُلودیر. 7 شُندا ایماندارلارینگ عایپسیز بُلماغی اوچین، بو زاتلاری اُلارا تابشیر. 8 هِر کیم اُز دُغان-قارینداشلارینینگ، خاص-دا اُز ماشغالاسینینگ فیکرینی اِتمِیَن بُلسا، ایماندان دَندیگیدیر. شِیله آدام ایمانسیزدان هِم بِتِردیر. 9 دول آیال آلتمیش یاشدان گِچِن بُلسا، عُمرونده دینگه بیر گِزِک دورموشا چیقان بُلسا، کِلیسا اُنونگ آدینی دول‍لار دِفتِرِنه یازسین. 10 شِیله دول آیال ایل آراسیندا اُز یاخشی ایشلِری بیلِن تانیلمالی: فِرزِنتلِرینی کِمالا گِتیرِن، میهمانسُیِر، ایمانداقی دُغانلارینا خیدمات اِدِن و قینچیلیق ایچیندَکیلِره یاردیم بِرِن و هِمیشه یاخشیلیق اِتمَگه تاییار بُلمالیدیر. 11 یاش دول آیال‍لارینگ آدینی بو دِفتِره قُشما. سِبَبی اُلار تِن هُوِسینَه دوشوپ مسیحدِن داشلاشانلاریندا دورموشا چیقماق ایسلَرلِر. 12 شُندا اُزال مسیحه اِدِن واعدالارینی اونوداندیقلاری اوچین، اُلار مَحکوم بُلماغا سِزاوار بُلارلار. 13 موندان باشغا-دا، اُلار اُیدِن-اُیه آیلانیپ، بیکَر گِزمَگه عادات اِدِرلِر. بیکَرلیکلِری بیلِن هِم قاناغاتلِنمَن، گِلشیکسیز کِپلِری اعضا آلیپ، باشغالارینگ ایشینه قاتیشیان غیباتکِشلِر بُلارلار. 14 شُنونگ اوچین-ده، مِن یاش دول آیال‍لارینگ دورموشا چیقیپ، چاغا دُغورماقلارینی و اُی ایشلِرینی اِدارا اِتمِکلِرینی ماصلاحات بیلیَرین. شُندا دوشمانلاریمیزینگ اُلارا تُهمِت اورماغا باهانالاری بُلماز. 15 سِبَبی اُلارینگ کَبیری شِیطانینگ کِپینه قولاق آسیپ، اِییَم یُلدان چیقدیلار. 16 اِگِر ایماندار آیالینگ قارینداشلارینینگ آراسیندا دول قالان آیال‍لار بار بُلسا، قُی، اُل دول قارینداشلارینینگ فیکرینی اِتسین، کِلیسا آغرام سالماسین. کِلیسا بُلسا مادّی کُمِگینی چیندان مَحتَجلیک چِکیَن یِکه دول آیال‍لارا بِرسین. یاشولیلار باراداقی ناصیحاتلار 17 کِلیسانی قاوی دُلاندیریان یاشولیلار، خاص-دا واغیظ اِدیپ، تَعلیماتی اُورِتمِکده زَحمِت چِکیَنلِر، ایکی بارابار حُرماتا لاییق گُرولسین. 18 چونکی مُقادِّس یازغیلار: «خارمان دُویَن سیغیرینگ آغزینی باغلامانگ» و «ایشچی اُز حاقینا میناسیپدیر» دییَّر. 19 ایکی یا اوچ شاهات بُلماسا، بیر یاشولی حاقدَکی عاییپلامانی قابول اِتمه. 20 گونَه اِدیَنلِری بُلسا هِمّه‌لِرینگ اُوونده کَیی. قُی، بو بِیلِکیلِره هِم دِرس بُلسون. 21 شو تابشیریقلاری بِرجای اِدِنینگده، مِسِلَنینگ دویبینَه یِتمَن، هیچ کیمی گونَه‌کَرلِمه، طارافکِشلیک اِتمه. اینه، شولارینگ بارینی خودایینگ، عیسی مسیحینگ و سایلانان پِریشده‌لِرینگ اُوونده سانگا قاییم تابشیریارین. 22 کیمدیر بیرینینگ گونَه‌سینه شِریک بُلماز یالی، اُنونگ باشینا اِل قُیوپ، اُنی خیدماتا بِلِّمَگه هاولوقما. اُزونگی پَک ساقلا. 23 موندان بِیلَک دینگه سو ایچمَن، آز-کِم شِراب هِم ایچ. بو قارینینگزا و تیز-تیزدِن قایتالانیان مِریضچیلیگینگدِن شِفا بِرمَگه کُمِک اِدِر. 24 کَبیر آداملارینگ گونَه‌لِری اَشکَر بُلوپ، اُلار قیامات گونوندِن اُنگ اَشکَردیر. کَبیرلِرینینگ گونَه‌سی بُلسا واقتینگ گِچمِگی بیلِن اَشکَر بُلیار. 25 شُنونگ یالی، قاوی ایشلِرینگ هِم کَبیرلِری اَشکَر، کَبیرلِری بُلسا اَشکَر دَلدیر. یُنه اَشکَر دَل‍لِری هِم ایر یا گیچ معلیم بُلیاندیر. |
© Turkmen Truth