۱ تیموتاوس 4 - مُقادِّس کیتابتیموتاوسا بِریلیَن ناصیحاتلار 1 مُقادِّس روح آخیرقی گونلِرده کَبیر آداملارینگ ایماندان دَنیپ، آزدیریجی روحلارا و جینلارینگ تَعلیماتلارینینگ ایزینا دوشجِکلِرینی آچیق آیدیار. 2 بو تَعلیماتلار وِجدانلارینی یوودان ایکی‌یوزلی و یالانچیلار طارافیندان یایرادیلیار. 3 اُلار اُیلِنمِگی، دورموشا چیقماغی قاداغان اِدیَرلِر. خودایینگ یارادان نَز-نیغماتلارینینگ کَبیرینی اییمِزلیگی تابشیریارلار. یُنه خودای بو نَز-نیغماتلاری حاقیقاتی بیلیَن ایماندارلارینگ شوکور بیلِن اییمِکلِری اوچین یاراتدی آخیرین. 4 خودایینگ یارادان زاتلارینینگ هِمّه‌سی قاوودیر. شوکور بیلِن قابول اِدیلِن هِر زات آصلا رِد اِدیلمِلی دَلدیر. 5 سِبَبی خودایینگ سُزی و دُغانینگ اوستو بیلِن قابول اِدیلِن اییمیت خودایینگ ناظاریندا پَکدیر. 6 اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ. شِیدیپ، عیسی مسیحینگ قاوی خیدماتچیسی بُلارسینگ. 7 خودایینگ حالامایان کِپلِرینه و بُش رِوایاتلارینا قاتیشما-دا، قاووسی، اُزونگی خودایینگ یُلوندا تِربیِت اِت. 8 بِدِنی تِربیِت اِتدیرمِگینگ پِیدالی طارافی باردیر. یُنه اُزونگی خودایینگ یُلوندا تِربیِت اِتدیرمِک هِمّه طارافلایین پِیدالیدیر. سِبَبی موندا حَضیرکی و گِلجِکّی یاشایشینگ واعداسی باردیر. 9 بو سُزه اینانمالیدیر و هِر طارافدان قابول اِدیلمِلیدیر. 10 شُل سِبَپلی زَحمِت چِکیپ، قاتی ایخلاص اِدیَریس، چونکی بیز هِمّه آداملارینگ، خاص-دا ایماندارلارینگ نِجات بِریَنچیسی بُلان دیری خودایا بیل باغلایاریس. 11 بولارینگ بارینی تابشیر و تَعلیم بِر. 12 یاش ییگیت بُلانینگ اوچین سانگا هیچ کیم اَسگِرمِزلیک اِتمِسین. سِن هِم سُزده، یاشاییشدا، سُیگوده، ایماندا و پَکلیکده ایمان گِتیرِنلِره نِمونه بُل. 13 مِن باریانچام، کِلیسایا مُقادِّس یازغیلاری اُقیماق، واغیظ اِتمِک و تَعلیم بِرمِک بیلِن مِشغول بُل. 14 نبوّتلیق سُزونینگ اوستو بیلِن و کِلیسا یاشولیلارینینگ سِنینگ اوستونگه اِل قُیماغی بیلِن اُزونگه بِرلِن ناغماتی اَسگِرمِزلیک اِتمه. 15 بو ایشلِرده ایخلاصلی بُل. ایماندا اُسوشینگی هِمّه‌لِر گُرِر یالی، جان-تِندِن ایخلاص اِت. 16 اُز یاشاییش یُل‍لارینگا و اُورِدیَن تَعلیماتینگا اونس بِر. بو زاتلارینگ اوستونده قاییم دور و عِمِل اِت. شُندا سِن اُزونگی-ده و دینگلِیجیلِرینگی-ده نِجات بِرِرسینگ. |
© Turkmen Truth