۱ تیموتاوس 3 - مُقادِّس کیتابکِلیسانینگ باشلیقچیلاری و خیدماتچیلاری 1 «کیم کِلیسانینگ باشلیقچیسی بُلماغی یورِگینه دووِن بُلسا، آبرایلی ایشه چالیشیاندیر» دییّپ آیدیلان سُز قاتی دُغرودیر. 2 شُنگا گُرَه-ده، کِلیسانینگ باشلیقچیسی عایپسیز، آیالینا بیوِفالیق اِتمِیَن آدام، هِر زاتدا اُزونه قایرات اِدیپ بیلیَن، فَهیملی، آبرایلی، میهمانسُیِر، اُورِتمَگه باشاریانجی، 3 عاراقخُر دَل و اوروشیان بُلمالی دَل-ده، میلاییم، داعوا-جِنجِلدِن داش دوریان، پولا قیزمایان آدام بُلمالیدیر. 4 اُل اُز اُیونی قاوی دُلاندیرمالی، فِرزِنتلِرینینگ حُرماتینی قازانیپ، اُلارا اُز دییِنینی اِتدیرمِلیدیر. 5 سِبَبی اُز اُیونی دُلاندیریپ بیلمِیَن آدام، اُندا نَهیلی خودایینگ کِلیساسینی ساقلاپ و خاباردار بُلوپ بیلِر؟ 6 کِلیسانینگ باشلیقچیسی یاقینلیقدا ایمان گِتیرِنینگ بیری بُلمالی دَلدیر. یُغسا اُل تِکِپبیرلیگه یوز اوروپ، شِیطانینگ مَحکومییِتینه دوچار بُلماغی آخمال. 7 بی‌آبرایلیغا و شِیطانینگ دوزاغینا دوشمِز یالی، اُل کِلیسانینگ داشینداقی آداملارینگ آراسیندا هِم سیلانیلیان بُلمالیدیر. 8 شُنونگ یالی، کِلیسانینگ خیدماتچیلاری هِم سیلانیان، ایکی‌یوزلی دَل، شِرابا یورِک بِرمِیَن، حارام قازانچینگ ایزینا دوشمِیَن آداملار بُلمالیدیر. 9 اُلار خودایینگ بیزه عیسی مسیح باراسیندا آیان اِدِن حاقیقاتینا پَک وِجدانلی بُلوپ ساقلامالیدیر. 10 کِلیسانینگ خیدماتچیلاری بِلِّنیلمِزدِن اُوال ایمتِحان اِدیلسین. اِگِر عایپسیز بُلوپ چیقسالار، قُی، خیدمات اِدیبِرسینلِر. 11 شُنونگ یالی، کِلیسانینگ خیدماتچی آیال‍لاری هِم حُرماتلانیان، غیبات اِتمِیَن، تِرسینه، اُز نِفسینی ساقلایان و هِر زاتدا اِمین بُلمالیدیر. 12 هِر کِلیسانینگ خیدماتچیسی آیالینا بیوِفالیق اِتمِیَن آدام بُلسون، چاغالارینی و اُیلِرینی قاوی دُلاندیریان اَر بُلسون. 13 قاوی خیدمات اِدیَن خیدماتچیلار آداملارینگ اولی حُرماتینا میناسیپ بُلوپ، عیسی مسیحه بُلان ایمانلاری بارادا باتیرلیق بیلِن گورلَپ بیلیَندیرلِر. 14 اِی تیموتاوس! مِن تیز واقتدا سِنینگ یانینگا بارارین دییّپ اومیدی بیلِن شو ناصیحاتلاری یازیارین. 15 یُنه باردی-گِلدی اِگلِنمِلی بُلایسام، سِن خودایینگ ماشغالاسینینگ، یَعنی حاقیقاتینگ بُنیادی و دیرِگی بُلان دیری خودایینگ کِلیساسینداقی آداملارینگ اُزلِرینی نَهیلی آلیپ بارمالیدیغینی بیلمِلیسینگ. 16 ایمان سیرینینگ اولیدیغینا آصلا شِک یُقدور: عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی. پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی. اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی. |
© Turkmen Truth