۱ تیموتاوس 1 - مُقادِّس کیتاب1 نِجات بِریَنچیمیز خودای و اومیدیمیز بُلان عیسی مسیحینگ حُکومینه گُرَه اُنونگ رِسولی مِن پولسدِن 2 تیموتاوسا دُغایی سالام! اِی تیموتاوس، سِن اُز ایمانینگ اوستو بیلِن مانگا حاقیقی اُغول بُلانسینگ. قُی، آتامیز خودایینگ و تانگریمیز عیسی مسیحینگ مِرحِمِتی، رِحم-شِپاقاتی و پاراحاتلیغی سانگا بُلسون! یالان تَعلیماتلاردان خاباردار بُلونگ! 3 مِن مَقدونیه اوغرانیمدا، سانگا اِفِسُس شَهرینده قال دییّپ تابشیریپدیم. سِن اُل یِردَکی آداملارینگ کَبیرینه یالان تَعلیماتلاری یایراتمازلیغی تابشیر. 4 قُی، اُلار قادیمی رِوایاتلارا، توکِنمِیَن نِسل شِجِره‌لِرینه یورِک بِرمِسینلِر. بولار داعوا-جِنجِل‍لِرینگ دُرِمِگینه سِبَپ بُلوپ، خودایینگ ایشلِرینینگ ایمان بیلِن عِمِله گِچیریلمِگینه پَسگِل بِریَندیر. 5 تابشیریغیمینگ اِساسی ماقصادی ایماندارلارا بیری-بیرینی پَک یورِکدِن، دُغری وِجداندان و حاقیقی ایماندان دُرِیَن سُیگی بیلِن سُیمِگینه یاردیم بِرمِکدیر. 6 کَبیر آداملار موندان دَنیپ، بُش گورّونگلِره باش اوردولار. 7 اُلار شِریغاتی اُورِتمِکچی بُلیارلار، یُنه نه اُز آیدیانلارینا، نه-ده واغیظ اِدیَن زاتلارینا دوشونیَرلِر. 8 بیز شِریغاتینگ و اِگِر اُنی دُغری پِیدالانیارلار اوچین یاخشیدیغینی بیلیَریس. 9 موندان باشغا-دا، بو شِریغاتینگ دُغری آداملار اوچین دَل-ده، اُنی پُزیانلار و موطیع‌سیزلار، خودایسیزلار و گونَه‌کَرلِر، پَکسیزلِر و ایمانسیزلار، آتا-اِنه‌سینی اُلدوریَنلِر، قاتل‍لار، 10 زیناکَرلِر، بیری-بیری بیلِن تِلِکه ایش اِدیَن اِرکِکلِر، قول سُوداگَرلِری، یالانچیلار، یالان یِره قاسام ایچیَنلِر، و هِم دُغری تَعلیماتا قارشی چیقیانلارینگ هِمّه‌سی اوچیندیگینی بیلیَریس. 11 هاووا، پَک خودای مانگا اینانیپ بِرِن بِییک خوش خاباری اِدیل شِیله اُورِدیَندیر. پولس خودایا شوکور اِدیَر 12 مِن تانگریمیز عیسی مسیحینگ مانگا گویچ-قووات بِرِندیگی اوچین شوکور اِدیَرین. اُل مِنی اِمین حاساپلاپ، اُز خیدماتینا بِلِّدی. 13 مِن اُزال‍لار عیسی مسیحه دیل یِتیریپ، آزار بِریپ، ظالیملیق بارینی اِدیپدیم. یُنه مِن بولارینگ بارینی بیلمِزلیکدِن و ایمانسیزلیقدان اِدِنیم اوچین، مانگا رِحم اِدیلدی. 14 تانگریمیز عیسی مسیحینگ اُلچِکسیز مِرحِمِتی، سُیگوسی و اُنونگ بِرِن ایمانی اوستومه بُلدان-بُل یاغدی. 15 شُنگا گُرَه-ده: «عیسی مسیح گونَه‌کَرلِری نِجات بِرمَگه دونیَه‌میزَه گِلدی» دییِن سُزلِر دُغری و هِر طارافدان قابول اِدِرلیکدیر. شُل گونَه‌کَرلِرینگ اینگ گونَه‌کَری-ده مِندیرین. 16 اِمّا عیسی مسیح مانگا رِحم اِتدی و اُز اِندازاسیز صابیرینی گُرکِزدی. و اُزونه ایمان گِتیرجِکلِرینگ و باقی یاشایشا قاووشجاقلارینگ هِمّه‌سی اوچین مِنی نِمونه حُکمونده پِیدالاندی. 17 اِبِدیلیگینگ پادیشاهسی، اُلمِز و گُزه گُرونمِز یِکه خودایا اِبِدی حُرمات و بِییکلیک بُلسون! اَمین. قاوی اوروشچی کیمین اوروشماق 18 اِی اُغلوم تیموتاوس، سِن بارادا آیدیلان نبوّتلیقلاری ناظارا آلیپ، سانگا شونی قاییم تابشیریارین: بو نبوّتلیقلارا دایانیپ، قاوی اوروشچی کیمین اوروش، 19 ایماندا قاییم دوروپ، وِجدانینگی پَک ساقلا. کَبیر آداملار وِجدانلارینی آیاق آشاق قُیاندیغی اوچین، ایمانلاری قایا اورلان کِشتی کیمین آورام-آورام بُلدی. 20 هیمیناوس بیلِن اسکندر-ده شِیله آداملارا دِگیشلیدیر. مِن خودایا کُفر آیتمازلیغی اُورِنسینلِر دییّپ، اُلاری شِیطانا تابشیردیم. |
© Turkmen Truth