۱ تِسالونیکیلِر 1 - مُقادِّس کیتاب1 آتامیز خودای و تانگریمیز عیسی مسیحینگ تِسالونیکیدَکی کِلیساسینا پولس، سیلاس و تیموتاوس‌دان دُغایی سالام! قُی، مِرحِمِت بیلِن پاراحاتلیق سیزه بُلسون! پولس تِسالونیکیلِرینگ ایمانی اوچین خودایا شوکور اِدیَر 2 بیز سیزی دُغالاریمیزدا یادلاپ، اِلمیداما هِمَّه‌نگیز اوچین خودایا شوکور اِدیَریس. 3 ایمانینگ حاصیلی بُلان ایشینگیزی، سُیگودِن عِمِله گِلِن زَحمِتینگیزی، تانگریمیز عیسی مسیحه باغلان اومیدینگیزدان دُرَن جیدامینگیزی آتامیز خودایینگ اُوونده بیرسیخلی یادلایاریس. 4-5 اِی عزیزلِر! بیزینگ یایرادیان خوش خاباریمیز سیزه یِکه سُز بیلِن دَل، اُندا مُقادِّس روحونگ گویجی و قاتی اینام بیلِن قاووشدی. شُندا بیز خودایینگ سیزی سُیوپ، سایلاندیغینی بیلدیک. بیز سیزینگ آرانگیزدا بُلانیمیزدا نَهیلی یاشاندیغیمیزی اُزونگیز-ده قاوی بیلیَنسینگیز. 6 سیز آغیر قینچیلیقلار چِکسِنگیز-ده، مُقادِّس روحونگ بِرِن شاتلیغی بیلِن خوش خاباری قابول اِدیپ، بیزدِن و مسیحدِن نِمونه آلدینگیز. 7 شِیدیپ، مَقدونیه بیلِن آخائیه‌دَکی ایماندارلارینگ هِمّه‌سینه نِمونه بُلدونگیز. 8 خوش خابار سیزدِن هِمّه یِره، حتّیٰ مَقدونیه بیلِن آخائیه‌دِن اوزاق یِرلِره هِم سِس بِردی. سیزینگ خودایا بُلان ایمانینگیز باراداقی گورّونگ هِمّه یِره یایرادی. بیزه اُل بارادا آیتماغا-دا زات قالمادی. 9 چونکی، اُلار اُزلِری سیزینگ بیزی قابول اِدیشینگیز بارادا گورّونگ بِریَرلِر. شِیله-ده سیزینگ بُتلاردان یوز اُوروپ، خودایا طاراف اُورولِندیگینگیزی آیدیپ بِریَرلِر. سیز ایندی حاقیقی، دیری خودایا خیدمات اِدیَرسینگیز، 10 و اُنونگ اُلومدِن دیرِلدِن اُغلی عیسانینگ آسمانلاردان گِلمِگینه قاراشیارسینگیز. عیسی مسیح بیزینگ هِمَّه‌میزی گِلِجِکدَکی غاضابدان آزاد اِدیَندیر. |
© Turkmen Truth