۱ پِطرُس 5 - مُقادِّس کیتابیاشولیلارا و جُوانلارا ناصیحاتلار 1 مِن مسیحینگ چِکِن عاذاپلارینینگ شاهادی و اُنونگ آیان بُلجاق بِییکلیگینینگ شِریکی حُکمونده آرانگیزداقی اُزوم یالی یاشولیلاردان شولاری خاییش اِدیَرین: 2 چُپانلارینگ اُز سوروسینه باغیشی یالی، سیز هِم خودایینگ اُزونگیزه اینانانلاری بارادا فیکر اِدینگ. مونی مِجبورلیق بیلِن دَل-ده، یورِگینگیز بیلِن اِدینگ. اُلاردان پِیدالانماق اوچین دَل-ده، عشق و مِیل بیلِن قاراوولچیلیق اِدینگ. 3 اِل آشاغینگیزداقیلارا آقالیق اِتمِزدِن، اُزونگیز سوری اوچین یاخشی نِمونه گُرکِزینگ. 4 شِیله اِتسِنگیز، باش چُپان آیان بُلاندا، اِبِدی بِییکلیک تاجینی آلارسینگیز. 5 اِی جُوانلار، سیز هِم یاشولیلارا موطیع بُلونگ. هِمَّه‌نگیز بیری-بیرینگیزه فُروتَن بُلونگ، سِبَبی «خودای مَغرورلارا قارشیدیر، اِمّا فُروتَن آداملارا مِرحِمِت اِدیَندیر». 6 خودای سیزی واقتی گِلِنده بِیگِلدِر یالی، اُنونگ قودراتلی اِل آشاغیندا اُزونگیزی فُروتَن اِدینگ. 7 هِمّه قایغینگیزی خودایا تابشیرینگ، سِبَبی اُل سیزینگ غامخُرونگیزدیر. 8 خاباردار و اُیا بُلونگ! دوشمانینگیز شِیطان گویچلی سِسلی آرسلان کیمین آیلانیپ، یوووتماق اوچین بیرینی آغتاریپ یُرِندیر. 9 دونیَه‌نینگ هِمّه یِرینده دُغانلارینگیزینگ هِم اِدیل شونونگ یالی عاذاپلارا دوچار بُلیاندیقلارینی بیلیَندیگینگیز اوچین، قاییم ایمان بیلِن شِیطانا قارشی دورونگ. 10 بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی. سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار. 11 گویچ-قودرات اِبِدیلیک اُنونگقی بُلسون! اَمین. خوشلاشما سُزی 12 بو قیسغا نامه‌می سیزه وِفالی دُغانیم سیلاسینگ اوستو بیلِن یازدیم. مونونگ بیلِن سیزی گُوونلیک بِریپ، خودایینگ حاقیقی مِرحِمِتینه شاهاتلیق اِتدیم. شُندا قاییم دورونگ. 13 سیزینگ یالی سایلانیپ-سِچیلِن بابِل‌دَکی کِلیسا و اُغلوم مَرقُس سیزه سالام آیدیار. 14 بیری-بیرینگیزی مَهیرلی اُغشاپ سالاملاشینگ. مسیحه دِگیشلی بُلان سیزینگ هِمَّه‌نگیزه پاراحاتلیق یار بُلسون! |
© Turkmen Truth