۱ پِطرُس 2 - مُقادِّس کیتاب1 شُنونگ اوچین هِم هِر هیلی کینه، مِکر، ایکی‌یوزلیک، باخیل‍لیق و غیبات-گورّونگلِری اُزونگیزدِن آیریپ زینگینگ. 2 تَزه دُغان چاغالار یالی آراسّا روحانی سویدی ایسلَنگ، شُنونگ اوستو بیلِن نِجاتدا اُسُرسینگیز. 3 سِبَبی سیز عیسی مسیحینگ یاخشیلیغینی دادیپ گُردونگیز. دیری داشلار 4 اینسانلار طارافیندان رِد اِدیلِن، اِمّا خودایینگ ناظاریندا سایلانان و قیماتلی حاساپلانان دیری داشا، یَعنی عیسی مسیحه یاقینلاشیارسینگیز. 5 شُنونگ اوچین سیز هِم دیری داشلار یالی روحانی بینا بُلوپ سالینیارسینگیز. شُندا عیسی مسیحینگ اوستو بیلِن خودایینگ حالایان روحانی قربانلیقلارینی هُدورلِیَن مُقادِّس کاهینلار بُلارسینگیز. 6 مُقادِّس یازغیلاردا شِیله دییّلیَر: «اینه، مِن صَهیوندا بینا داشینی، سایلاما و قیماتلی بورچ داشینی قُییارین. اُنگا تَوَکُّل اِدِن آصلا اوتاندیریلماز.» 7 هاووا، ایمان گِتیرِن سیزینگ اوچین بو داش قیماتلیدیر. اِمّا ایمان گِتیرمِدیکلِر اوچین، «بِنّالارینگ رِد اِدِن داشی، اُل بورچ داشی بُلدی». 8 شِیله هِم، «بو داش بودریمِگَه و بو قایا قاچماغا سِبَپ بُلدی». اُلار اُنگدِن بِلِّنیشی یالی، بو سُزه موطیع بُلمانسُنگلار بودرییَرلِر. 9 اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز. سیز پادیشاهینگ کاهینلاری، مُقادِّس میلِّت و خودایا باغلی خالقسینگیز. خودای سیزی قارانگقیلیقدان اُزونینگ عجاییپ نورینا چاغیردی. سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز. 10 بیر واقتلار سیز خالق دَلدینگیز، اِمّا ایندی خودایینگ خالقیسینگیز. اُوال سیز اُنونگ رِحمِتیندِن ماحرومدینگیز، اِمّا ایندی بُلسا رِحمِته قاوشانسینگیز. 11 عزیز دُستلار، روحونگیزا قارشی اوروشیان گونَه‌لی هُوِسلِردِن داش دورونگ دییّپ یالباریارین. چونکی سیز بو دونیَه‌ده کِسِکی هِم بیگانه‌سینگیز. 12 ایمانسیزلارینگ آراسیندا قاوی و دُغری یاشانگ. شُندا اُلار سیزی یالنگیش ایش اِتمِکده تُهمِت اورسالار-دا، دُغری ایشلِرینگیزی گُروپ، خودایینگ گِلجِک گونی اُنی بِییکلِندیرِرلِر. یُلباشچیلارا موطیع بُلونگ 13 سیز هِر بیر اینسان حاکیمییِتینه مسیحینگ حاقی اوچین موطیع بُلونگ. یوردونگ باشی بُلان پادیشاه بُلسون 14 یا-دا اُنونگ بِلَّن مامورلاری بُلسون، فارقی یُق، اُلارا موطیع بُلونگ. پادیشاه اُلاری یامانلیق اِدِنلِری جِزالاندیرماغا و یاخشیلیق اِدِنلِری تعریفلاماغا بِلِّدی. 15 سِبَبی خودایینگ ایسلِگی سیزینگ یاخشیلیق اِدیپ، عاقیلسیز نادانلارینگ آغزینی یومدورماغینگیزدیر. 16 آزاد آدام یالی یاشانگ، اِمّا اُز آزادلیغینگیزی یامانلیق اِتمِک اوچین پِیدالانمانگ. خودایینگ خیدماتکَرلِری یالی یاشانگ. 17 هِمّه‌لِره حُرمات قُیونگ. ایماندارلاری سُیونگ، خودایدان قُرقونگ و پادیشاهی سیلانگ. 18 اِی قول‍لار، دینگه بیر قاوی هِم یاخشی آقالارینگیزا دَل-ده، اُندان باشغا، قیلیقسیز آقالارینگیزا-دا حُرمات قُیوپ، موطیع بُلونگ. 19 اِگِر کیم ناحاق یِره عاذاپ چِکیپ، خودایی تانییاندیغی اوچین بو دِرتلِره جیدایان بُلسا، اُل آدامدان خودای راضیدیر. 20 اِگِر اِدِن یالنگیش ایشینگیز اوچین یِنجیلمِلِره جیدایان بُلسانگیز، بو سیزه نَمه حُرمات گِتیرِر؟ اِمّا یاخشیلیق اِدیپ هِم یِنه عاذاپ چِکسِنگیز و مونگا جیداسانگیز، خودای موندان خاص کَن راضی بُلار. 21 اینه، سیز شونونگ اوچین هِم چاغیریلدینگیز، سِبَبی مسیح سیزینگ اوچین عاذاپ چِکدی. اُز قاداملارینینگ ایزینا دوشمِگینگیز اوچین، اُل سیزه نِمونه بُلدی. 22 «اُل هیچ هیلی گونَه اِتمِدی، آغزیندان هیچ بیر مِکرلی سُز چیقمادی». 23 اُل سِوولِنده سِومِدی، عاذاپ چِکِنده هیچ کیمه قُرقی سالمادی. مونگا دِرِک اُزونی عادیل حُکوم چیقاریان خودایا تابشیردی. 24 بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی. سیز اُنونگ یارالارینینگ اوستو بیلِن شِفا تاپدینگیز. 25 سیز قُیونلار یالی آزاشیپدینگیز، اِمّا ایندی جانینگیزینگ چُپانینا هِم قاراوولچیسینا دُلانیپ گِلدینگیز. |
© Turkmen Truth