۱ یوحنا 5 - مُقادِّس کیتابخودایینگ اُغلونا ایمان 1 عیسانینگ مسیحدیگینه اینانیان هِر بیر آدام خودایینگ فِرزِندیدیر. آتانی سُییَن آدام اُنونگ فِرزِندینی-ده سُییَندیر. 2 بیز خودایینگ فِرزِنتلِرینی سُییَندیگیمیزی نَدیپ بیلیَریس؟ خودایی سُیوپ، اُنونگ حُکوملِرینی بِرجای اِدیَنیمیزدِن بیلیَریس. 3 خودایی سُیمِک اُنونگ حُکوملِرینی بِرجای اِتمِکدیر. اُنونگ حُکوملِری بُلسا آغیر دَلدیر. 4 چونکی خودایینگ هِر بیر فِرزِندی دونیَه‌نی یِنگمِگی باشاریاندیر. بیز دونیَه‌نینگ اوستوندِن بو یِنگشی ایمانیمیزینگ اوستو بیلِن قازانیاریس. 5 اُندا دونیَه‌نی کیم یِنگیپ بیلِر؟ اِلبِتّه، عیسی خودایینگ اُغلودیغینا ایمان گِتیریَن آدام یِنگیپ بیلِر! 6 سو و قانینگ اوستو بیلِن گِلِن عیسی مسیحدیر. اُل دینگه بیر سووونگ اوستو بیلِن دَل-ده، سو هِم قانینگ اوستو بیلِن گِلِندیر. مُقادِّس روح مونگا شاهاتدیر و اُنونگ شاهاتلیغی حاقیقاتدیر. 7 شِیلِلیکده، اوچ شاهاتلیق بار: 8 روح، سو و قان. بولارینگ اوچوسینینگ هِم شاهاتلیغی بیردیر. 9 بیز اینسانلارینگ شاهاتلیغینی قابول اِدیَریس، اِمّا خودایینگ شاهاتلیغی خاص-دا اولیدیر. سِبَبی خودای هِم اُز اُغلی حاقیندا شاهاتلیق اِتدی. 10 خودایینگ اُغلونا ایمان گِتیرِنده خودایینگ شاهاتلیغی اُزونده باردیر. کیم خودایینگ اُز اُغلی باراداقی شاهاتلیغینا اینانمایان بُلسا، اُل خودایی یالانچی حاساپلاپ، اُنگا ایمان گِتیریَن دَلدیر. 11 خودایینگ شاهاتلیغی، اینه، شوندان عیبارات: خودای بیزه اِبِدی یاشاییش بِردی، بو یاشایشی اُز اُغلونینگ اوستو بیلِن بِردی. 12 کیم خودایینگ اُغلونا ایمان گِتیریَن بُلسا، اُندا یاشاییش باردیر، کیم ایمان گِتیرمِیَن بُلسا، اُندا یاشاییش یُقدور. اِبِدی یاشاییش 13 خودایینگ اُغلونا ایمان گِتیرِن سیزده اِبِدی یاشاییش باردیر دییّپ مِن سیزه، خودایینگ اُغلونا ایمان گِتیرِنلِره یازدیم. 14 بیز خودایا بیل باغلایاریس، سِبَبی اُنونگ اِراداسینا گُرَه نَمه دیلِسِک، دیلِگیمیزی اِشیدیَندیگینی بیلیَریس. 15 اُنونگ هِمّه دیلِگیمیزی اِشیدیَندیگینی بیلیَن بُلساق، اُزوندِن نَمه دیلِسِک آلجاقدیغیمیزی-دا بیلیَندیریس. 16 اِگِر بیری دُغانینینگ اُلومه اِلتمِیَن گونَه اِدیَنینی گُرسه، قُی، اُنونگ اوچین خودایا یالبارسین. خودای اُنگا یاشاییش بِرِر. مونی اُلومه اِلتمِیَن گونَه اِدیَنلِر حاقدا آیدیارین. اُلومه اِلتیَن گونَه-ده باردیر. بِیله گونَه اِدیَن آدام اوچین خودایا یالبارینگ دییمِیَرین. 17 هِر یامانلیق گونَه‌دیر، یُنه اُلومه اِلتمِیَن گونَه هِم باردیر. 18 بیز خودایینگ فِرزِنتلِرینینگ گونَه اِتمِیَندیگینی بیلیَریس. خودایینگ اُغلی اُلاری قُرییاندیر، شِیطان اُلارا اِل اورماز. 19 بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس. 20 بیز یِنه شونی بیلیَریس: حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی. بیز حاق خودای و اُنونگ اُغلی عیسی مسیح بیلِن یاشایاریس. عیسی مسیح حاق خودایدیر و اِبِدی یاشاییشدیر. 21 عزیز بالالاریم، اُزونگیزی بُتلاردان قُرانگ! |
© Turkmen Truth