۱ یوحنا 4 - مُقادِّس کیتابروحلاری سایلانگ 1 عزیزلِریم، اُزونده خودایینگ روحونینگ باردیغینی آیدیان هِر بیر آداما اینانیپ یُرمَنگ. اُلارینگ خودایداندیغینی یا-دا دَلدیگینی بیلمِک اوچین ایمتِحان اِدیپ گُرونگ. سِبَبی دونیَه‌ده اِنچِمه یالان نِبیلِر گُروندی. 2 خودایینگ روحونی، اینه، شوندان بیلِرسینگیز: اُنونگ روحی عیسی مسیحینگ، حاقیقاتدان هِم، اینسان بُلوپ گِلِندیگینی ایقرار اِدیَر. 3 مونی ایقرار اِتمِیَن آدام خودایدان دَلدیر. بو آدام مسیحینگ دوشمانیدیر. سیز بو دوشمانینگ گِلجِکدیگینی اِشیدِنسینگیز. اینه، اُل شو واقت بو دونیَه‌دِدیر. 4 عزیز بالالار، سیز بُلسا خودایدانسینگیز. سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز. 5 اُلار بو دونیَه دِگیشلیدیرلِر، اُلارینگ آیدیانلاری هِم بو دونیَه‌نینگ ناظارینا قاویدیر، شُنونگ اوچین دونیَه اُلارا قولاق آسیار. 6 بیز بُلسا خودایا دِگیشلیدیریس. کیم خودایی تانییان بُلسا، بیزه قولاق آسار. کیم خودایدان بُلماسا، بیزه قولاق آسماز. حاقیقی روح بیلِن یالان روحی، اینه، بیز شِیدیپ سایلایاریس. خودای سُیگودیر 7 اِی عزیزلِریم، بیری-بیریمیزی سُیِیلینگ، چونکی سُیگی خودایداندیر. کیم سُییَن بُلسا، خودایینگ فِرزِندیدیر، اُل خودایی تانییاندیر. 8 کیم سُیمِیَن بُلسا، خودایی تانییان دَلدیر، سِبَبی خودای سُیگودیر. 9 بیزه خودایینگ سُیگوسی، اینه، شوندان آیان بُلدی: خودای اُزونینگ یِکِجه اُغلونینگ اوستو بیلِن بیزه یاشاییش بِرمِک اوچین اُنی دونیَه ایبِریپ، اُز سُیگوسینی آیان اِتدی. 10 بیز خودایی دَل-ده، اَوَّل خودای بیزی سُیدی. اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی. اینه، حاقیقی سُیگی شودور. 11 اِی عزیزلِریم، خودای بیزی شِیله سُیِندیگی اوچین، بیز هِم بیری-بیریمیزی سُیمِلیدیریس. 12 هیچ کیم هیچ هاچان خودایی گُرِن دَلدیر. اِمّا بیز بیری-بیریمیزی سُییَن بُلساق، اُندا خودای بیزینگ بیلِن یاشایاندیر، اُنونگ سُیگوسی قالبیمیزا کَمیل یِرلِشِندیر. 13 خودای هِر بیریمیزه اُز روحونی بِردی. خودایینگ بیز بیلِن و بیز خودای بیلِن یاشایاندیغیمیز شُندان بیلیَریس. 14 بیز آتانینگ اُز اُغلونی دونیَه‌نینگ نِجات بِریَنچیسی اِدیپ ایبِرِندیگینی گُردوک و مونگا شاهاتلیق اِدیَریس. 15 عیسی خودایینگ اُغلودیغینی ایقرار اِدیَن هِر بیر آدام خودای بیلِن، خودای هِم اُنونگ بیلِن یاشایاندیر. 16 خودایینگ بیزه بُلان سُیگوسینه گُز یِتیریپ، بو سُیگَه اینانیاریس. خودای سُیگودیر. سُیگوده یاشایان آدام خودای بیلِن، خودای هِم اُنونگ بیلِن یاشایاندیر. 17 شِیلِلیک بیلِن سُیگی بیزده کَمیلِّشیپ، قیامات گونونده بیزه خاطیرجِملیک بِرِر. سِبَبی بیز بو دونیَه‌ده اِدیل مسیح یالی یاشایاریس. 18 سُیگوده قُرقی یُقدور. تِرسینه، کَمیل سُیگی قُرقینی کُووپ چیقاریاندیر. کیم قیامات عاذاپدان قُرقوپ یاشایان بُلسا، اُنونگ سُیگوسی کَمیل دَلدیر. 19 بیز خودایی سُییَریس، سِبَبی اَوَّل اُل بیزی سُیدی. 20 کیم «خودایی سُییَرین» دییّپ هِم، اُز دُغانینی ییگرِنیَن بُلسا، اُل یالانچیدیر. اُزونینگ گُروپ دوران دُغانینی سُیمِیَن آدام گُرمِدیک خودایینی سُیوپ بیلمِز آخیری. 21 خودای بیزه: «خودایی سُییَن آدام حُکمَن اُز دُغانینی-دا سُیسون» دییّپ حُکوم بِردی. |
© Turkmen Truth