۱ یوحنا 3 - مُقادِّس کیتابخودایینگ فِرزِنتلِری 1 آتامیز خودایینگ بیزی نَهیلی گویچلی سُییَندیگینی بیر گُر-باقینگ! اُل بیزی اُز فِرزِنتلِری دییّپ آدلاندیریار. دُغرودان-دا، بیز اُنونگ فِرزِندیدیریس! دونیَه خودایی تانیمانسُنگ، بیزی-ده تانیمایار. 2 عزیزلِریم، بیز ایندی خودایینگ فِرزِنتلِریدیریس. بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس. 3 اُنگا اومید باغلایان هِر بیر آدام مسیحینگ پَک بُلشی یالی، اُزونی پَک ساقلار. 4 گونَه اِدیَن آدام شِریغاتی پُزیاندیر. سِبَبی گونَه اِتمِک شِریغاتا قارشی چیقماق آخیری. 5 مسیح بُلسا بیزی گونَه‌لِریمیزدِن پَکلِمِک اوچین گِلِندیگینی بیلیَنسینگیز. اُندا آصلا گونَه یُقدور. 6 مسیح بیلِن یاشایان آدام گونَه‌دِن یوز اُورِر. اِمّا هِنیز هِم گونَه اِدیَن آدام اُنی نه گُرِندیر، نه-ده تاناندیر. 7 عزیز بالالاریم! هیچ کیم سیزی آلداماسین! مسیحینگ عادیل بُلشی یالی، دُغری ایش اِدیَن آدام هِم عادیلدیر. 8 گونَه اِدیَن آدام شِیطانا دِگیشلیدیر، سِبَبی شِیطان باشلانان زاماندان بَری گونَه اِدیپ گِلیَندیر. اِمّا خودایینگ اُغلی شِیطانینگ ایشلِرینی باطیل اِتمِک اوچین گِلدی. 9 خودایینگ فِرزِندی گونَه اِتمِگینی دُوام اِتمِز، سِبَبی اُنگا خودایینگ طِبیغاتی یِرلِشِندیر. ایندی گونَه اِتمِز، سِبَبی اُل خودایینگ فِرزِندیدیر. 10 کیمینگ خودایینگ فِرزِندیدیگی، کیمینگ بُلسا شِیطانینقیدیغی شوندان بِلّی: دُغری ایش اِتمِیَن و دُغانینی سُیمِیَن آدام خودایدان دَلدیر. بیری-بیریمیزی سُیِیلینگ 11 سیز بیری-بیریمیزی سُیمِلیدیگیمیز بارادا اُزال-باشدان اِشیدِنسینگیز. 12 شِیطانا دِگیشلی بُلوپ، اُز دُغانی هابیلی اُلدورِن قابیل یالی بُلمایلینگ. قابیل اُنی نَمه اوچین اُلدوردی؟ سِبَبی اُز اِدِن ایشلِری تِلِکه‌لیکدی، دُغانینینگقی بُلسا دُغرودی. 13 اِی عزیزلِریم، اِگِر دونیَه سیزی ییگرِنیَن بُلسا، گِنگ قالمانگ. 14 بیز اُزومیزینگ اُلومدِن یاشایشا قاوشاندیغیمیزی بیلیَریس، سِبَبی دُغانلاریمیزی سُییَریس. دُغانینی سُیمِیَن آدام اُلومینگ پِنجِسینده قالیاندیر. 15 دُغانینی ییگرِنیَن آدام قاتلدیر. هیچ بیر قاتلینگ اِبِدی یاشایشا قاووشمایاندیغینی بیلیَنسینگیز. 16 عیسی مسیح بیزینگ اوچین اُز جانینی فِدا اِدِنده، بیز حاقیقی سُیگینینگ نَمِدیگینی بیلدیک. دییمِک، بیز هِم دُغانیمیز اوچین جانیمیزی فِدا اِتمَگه تاییار بُلمالیدیریس. 17 دونیَه مالینا بای بُلوپ، دُغانینی مَحتَجلیکده گُرِنده، اُنگا یورِگی آویمییان آدامدا، اُندا، خودایینگ سُیگوسی بُلوپ بیلِرمی؟ 18 عزیز بالالار، حاقیقی سُیگیمیزی یُنه بیر قوری کِپ بیلِن دَل-ده، دُغرولیق یوزونده و عِمِلده گُرکِزِیلینگ. 19-20 شُندا بیز اُزومیزینگ حاقیقاتا دِگیشلیدیگیمیزی بیلِریس و خودایینگ حوضوریندا بیزینگ وِجدانیمیز آسودا بُلار. اِگِر وِجدانیمیز بیزی مَحکوم اِتسه، خودای اُندان بِییکدیر، اُل هِمّه زادی بیلیَندیر. 21 عزیزلِریم، اِگِر وِجدانیمیز بیزی مَحکوم اِتمِسه، اُندا خودایینگ حوضوریندا خاطیرجِم بُلاریس. 22 اُندان نَمه دیلِسِک آلاریس، سِبَبی بیز اُنونگ حُکوملِرینی بِرجای اِدیپ، اُنی خُشنود اِدیَن ایشلِری اِدیَندیریس. 23 بو خودایینگ حُکومیدیر: بیز اُنونگ اُغلی عیسی مسیحینگ آدینا ایمان گِتیرمِلیدیریس و عیسانینگ دِستور بِرشی یالی بیری-بیریمیزی سُیمِلیدیریس. 24 خودایینگ حُکوملِرینی بِرجای اِدیَن آدام خودای بیلِن، خودای هِم اُنونگ بیلِن یاشایاندیر. خودایینگ بیزینگ بیلِن یاشایاندیغینی اُنونگ هِر بیریمیزه بِرِن روحوندان بیلیَریس. |
© Turkmen Truth