۱ یوحنا 2 - مُقادِّس کیتاب1 عزیز بالالاریم! مِن سیزه شولاری گونَه اِتمِزلیگینگیز اوچین یازیارین. اِمّا کیمدیر بیری گونَه اِتسه، آتانینگ حوضوریندا تُوِلّاچیمیز، عیسی مسیح بار، اُل کَمیل عادیلدیر. 2 اُل اُزی گونَه‌لِریمیزینگ قربانیسی و دینگه بیزینگ گونَه‌لِریمیز دَل-ده، اُندان باشغا، هِمّه دونیَه‌نینگ گونَه‌لِرینینگ قربانیسی. 3 اِگِر خودایینگ حُکوملِرینی بِرجای اِدیَن بُلساق، اُندا بیز خودایی تانییاندیغیمیزی بیلیَریس. 4 «خودایی تانییارین» دییّپ-ده، اُنونگ حُکوملِرینی بِرجای اِتمِیَن آدام یالانچیدیر و اُنونگ یورِگینده حاقیقات یُقدور. 5 اِمّا خودایینگ سُزونی بِرجای اِدیَن آدامدا اُنونگ سُیگوسی حاقیقاتدان هِم کَمیلدیر. اینه، بیز خودای بیلِن یاشایاندیغیمیزی شِیدیپ بیلیَریس. 6 «مِن خودایا اینانیپ یاشایارین» دییَّن آدام عیسی مسیحینگ یاشایشی یالی یاشامالیدیر. 7 اِی عزیزلِریم، مِن سیزه تَزه حُکوم دَل-ده، اُزال-باشدان بِرلِن کُهنه حُکومی یازیارین. بو کُهنه حُکوم سیزینگ اُوالقی اِشیدِن سُزونگیزدیر. 8 اِمّا مِنینگ سیزه یازیان بو حُکومه تَزه دییسِنگ هِم بُلار، سِبَبی بو حُکمونگ حاقیقاتی مسیحده و سیزده اَشکَر بُلیار. چونکی قارانگقیلیق گِچیپ باریار، حاقیقی نور بُلسا شو واقت پارلایاندیر. 9 اُزونینگ نوردا یاشایاندیغینی آیدیپ-دا، دُغانینی ییگرِنیَن آدام هِنیز هِم قارانگقیلیقدا یاشایاندیر. 10 دُغانینی سُییَن آدام نوردا یاشایاندیر، اُندا بودریمَگه سِبَپ بُلوپ بیلمِز. 11 یُنه کیم دُغانینی ییگرِنیَن بُلسا، اُل قارانگقیلیقدادیر. اُل قارانگقیلیقدا گِزیپ، نیرَه باریانینی بیلیَن دَلدیر، سِبَبی قارانگقیلیق اُنونگ گُزلِرینی کُر اِدِندیر. 12 اِی بالالار، سیزه یازیارین، چونکی عیسی مسیحینگ آدینا گونَه‌لِرینگیز باغیشلاندی. 13 اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز. اِی ییگیتلِر، سیزه یازیارین، چونکی سیز شِیطانی یِنگدینگیز. 14 اِی بالالار، سیزه یازیارین، چونکی سیز آتامیز خودایی تانییارسینگیز. اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز. اِی ییگیتلِر، سیزه یازیارین، چونکی سیز گویچلیسینگیز، خودایینگ سُزی قالبینگیزا یِرلِشِندیر و سیز شِیطانی یِنگدینگیز. 15 دونیَه و اُنداقی زاتلارا یورِک بِرمَنگ. دونیَه‌نی قاوی گُریَن آدام، آتانینگ سُیگوسی اُنونگ یورِگینده یُقدور. 16 سِبَبی دونیَه‌دَکی هِمّه زاتلار: تِن هُوِسلِری، آچگُزلیک و بایلیق بیلِن قابارماق آتادان دَلدیر، دونیَه‌دِندیر. 17 دونیَه و اُنونگ هُوِسلِری گِچِر گیدِر، اِمّا خودایینگ اِراداسینی بِرجای اِدیَن آدام اِبِدی یاشار. مسیحه قارشی تَعلیمات بارادا بیلدیریش 18 اِی بالالار، بو دونیَه‌نینگ آخیرقی گونلِری یِتیپ گِلِندیر. سیز مسیحه قارشی چیقیان دوشمانینینگ گِلجِکدیگینی اِشیدِنسینگیز. اِدیل شو واقت هِم مسیحه قارشی چیقیانلارینگ اِنچِمه‌سی گُروندی. اینه، بو واقالاردان بیز دونیَه‌نینگ آخیرقی گونلِرینینگ یِتیپ گِلِندیگینی بیلیَریس. 19 اُلار بیزینگ آرامیزدان گیتدیلِر، آصلیندا-دا بیزه دِگیشلی دَلدیلِر. دِگیشلی بُلسادیلار، بیزینگ آرامیزدا قالاردیلار. اِمّا چیقیپ گیتمِکلِری اُلارینگ هیچ بیرینینگ بیزه دِگیشلی دَلدیگینی اَشکَر اِتدی. 20 سیزینگ هِمَّه‌نگیز بُلسا حاقیقاتی بیلیَنسینگیز، چونکی عیسی مسیحدِن سیزه مُقادِّس روح بِریلدی. 21 مِن سیزه حاقیقاتی بیلمِیَندیگینگیز اوچین دَل-ده، اُندان باشغا، حاقیقاتی بیلیَندیگینگیز اوچین یازیارین، سِبَبی هیچ بیر یالانینگ حاقیقات بیلِن بیرلیکلیگی یُقدور. 22 اُندا یالانچی کیم؟ عیسانینگ مسیحدیگینی اینکَر اِدیَن آدام یالانچیدیر. اُل مسیحه قارشی چیقیاندیر! اُل آتانی-دا و اُغلی-دا اینکَر اِدیَر. 23 اُغلی اینکَر اِدیَن آدامدا آتا هِم یُقدور. اِمّا اُغلی ایقرار اِدیَن آدامدا آتا هِم باردیر. 24 قُی، سیزینگ اُزال-باشدان اِشیدِن سُزونگیز قالبینگیزدا یِرلِشسین. شُندا سیز اُغول بیلِن هِم، آتا بیلِن هِم یاشارسینگیز. 25 چونکی مسیح بیزه اِبِدی یاشایشی واعدا بِردی. 26 بو زاتلاری سیزی آزدیرجاق بُلیان آداملاردان خاباردار بُلماغینگیز اوچین یازدیم. 27 اِمّا مسیحینگ سیزه بِرِن مُقادِّس روحی اُزونگیزده قالیاندیر، سیزه اُورِتمِگینگ گِرِگی یُق. مُقادِّس روحونگ سیزه اُورِدیَن هِر بیر زادی یالان دَل-ده، حاقیقاتدیر. اُنونگ سیزه اُورِدیشی یالی، مسیح بیلِن یاشامالیسینگیز. 28 ایندی، اِی بالالار، مسیح گِلِنده اینامیمیز بُلوپ، اُنونگ حوضوریندا اوتانماز یالی، اُنونگ بیلِن یاشایلینگ. 29 سیز مسیحینگ عادیلدیغینی بیلیَنسینگیز، شُنونگ اوچین عادالاتی بِرجای اِدیَن هِر بیر اینسان خودایینگ فِرزِندیدیر. |
© Turkmen Truth