۱ یوحنا 1 - مُقادِّس کیتاب

یاشاییش سُزی

¹ بیز سیزه اُزال-باشدان بار بُلان یاشاییش سُزی بارادا خابار بِریَریس.‏ قولاغیمیز بیلِن اِشیدیپ، اِلیمیز بیلِن توتوپ، گُزومیز بیلِن گُرِنلِریمیزی اِعلان اِدیَریس.‏

² بو یاشاییش آیان بُلدی، بیز اُنی گُردوک.‏ آتامیز خودای بیلِن بُلان بو اِبِدی یاشاییش بیزه اَشکَر بُلدی.‏ ایندی بیز اُل بارادا شاهاتلیق اِدیپ، اُنی سیزه اِعلان اِدیَریس.‏

³ سیزینگ-ده بیزینگ بیلِن شِریکلیگینگیز بُلار یالی، گُرِنیمیزی، اِشیدِنیمیزی سیزه آیدیاریس.‏ بیزینگ شِریکلیگیمیز بُلسا آتا و اُنونگ اُغلی عیسی مسیح بیلِندیر.‏

⁴ شاتلیغیمیز دُلوپ-آقسین دییّپ، بولاری سیزه یازیاریس.‏

نورداقی یاشاییش

⁵ بیزینگ عیسی مسیحدِن اِشیدیپ، سیزه اِعلان اِدیَن خاباریمیز شودور:‏ خودای نوردیر، اُندا هیچ قارانگقیلیق یُقدور.‏

⁶ بیز اُنونگ بیلِن شِریکلیگیمیزینگ باردیغینی آیدیپ-دا، قارانگقیلیقدا گِزیَن بُلساق، اُندا یالان آیدیاندیریس، حاقیقاتی بِرجای اِدیَن دَلدیریس.‏

⁷ اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

⁸ اِگِر گونَه‌میز یُق دییسِک، اُندا بیز اُزومیزی آلدایاندیریس و بیزده حاقیقات یُقدور.‏

⁹ اِمّا گونَه‌لِریمیزی بُیون آلساق، اِمین هِم عادالاتلی خودای گونَه‌لِریمیزی باغیشلار و بیزی هِر هیلی یامانلیقدان پَک اِدِر.‏

¹⁰ اِگِر گونَه اِتمِدیک دییسِک، خودایی یالانچی اِدیَندیریس و قالبیمیزدا اُنونگ سُزی یُقدور.‏