۱ قُرِنتُس‌لار 8 - مُقادِّس کیتاببُتلارا بِریلیَن قربانلیق اِت 1 ایندی بُلسا بُتلارا قربانلیق بِریلیَن اِت بارادا شولاری آیتماقچی. سیزینگ: «هِمّه‌میزینگ عیلیمیمیز بار» دییّپ آیدیانینگیز دُغرودیر. یُنه عیلیم اینسانی مَغرور اِدیَر، اِمّا سُیگی بُلسا آباد اِدیَندیر. 2 اِگِر بیر کیشی بیلیَندیرین دییّپ گومَن اِتسه، اُندا اُل هِنیز بیلمِلیسی یالی بیلیَن دَلدیر. 3 اِمّا کیم خودایی سُییَن بُلسا، اُل خودای طارافیندان تانیلیاندیر. 4 شونلوقدا، بُتلارا قربانلیق بِرلِن اِتی اییّپ-اییمِزلیک بارادا شونی آیتماقچی. بیز بیلیَریس، بو دونیَه‌ده بُت آصلیندا هیچدیر و بیر خودایدان باشغا، خودای یُقدیر. 5 حتّیٰ یِرده یا آسماندا «خودای» دییلیپ آدلاندیریلیانلار بار بُلایسا-دا، آصلیندا «خودایلار» و هِم «حُکومدار» حاساپلانیانلار کَندیر. 6 اِمّا بیزینگ اوچین یِکه خودای، یَعنی آتا باردیر، هِمّه زادینگ باشلانچیسی اُلدور. بیز اُنونگ اوچین یاشایاندیریس. بیزینگ اوچین یِکه حُکومدار عیسی مسیح بار، هِمّه زات هِم اُنونگ اوستو بیلِن یارادیلاندیر و بیز اُنونگ اوستو بیلِن یاشایاندیریس. 7 اِمّا بو عیلیم هِمّه آداملاردا یُقدور. کَبیر آداملار بُت‌پَرَستلیک فیکرلِریندِن پَکلِنیپ بیلمَن، بو قربانلیق اِتینی اییِنلِرینده، هِنیز-ده بُتا سِجده اِدیَندیر دییّپ گومَن اِدیَرلِر. بو هِم اُلارینگ ناتووان وِجدانینی کیرلی اِدیَر. 8 یُنه اییمیت بیزی خودایا یاقینلاشدیرمایار. اییمَنیمیز بیلِن زییان چِکِمزُق، اییِنیمیز بیلِن-ده پِیدا گُرِمزُق. 9 اِمّا اُز آزادلیغینگیزا خاباردار بُلونگ. سیزینگ آزادلیغینگیز وِجدانی ناتووان بُلان ایماندارلارینگ بودریمِگینه سِبَپ بُلماسین! 10 چونکی اُلاردان بیری سِنی، یَعنی عیلیمی بُلانی، بُتخانادا ساچاق باشیندا گُرمِگی آخمال. شُندا اُنونگ وِجدانی قاوشاپ، بُتا بِرلِن قربانلیغی اییمَگه هُوِسلِنمِزمی نَمه؟ 11 شونلوقدا بو وِجدانی ناتووان ایماندار سِنینگ عیلیمینگ اوستو بیلِن هِلَک بُلدی. عیسی مسیح بُلسا اُنونگ اوغروندا اُلدی. 12 سیز ایماندارلارینگیزینگ ناتووان وِجدانینی یارالاماق بیلِن، اُلارا قارشی گونَه اِدِنینگیزده، عیسی مسیحه قارشی گونَه اِدیَنسینگیز. 13 شُنگا گُرَه-ده، اییَّن زادیم ایماندارینگ بودریمِگینه سِبَپ بُلجاق بُلسا، مِن اِتی آصلا اییمِرین. مِن اُنونگ بودریمِگینی ایسلَمُق. |
© Turkmen Truth