۱ قُرِنتُس‌لار 5 - مُقادِّس کیتاب

کِلیساداقی آخلاقسیزلیغا یُل بِرمَنگ

¹ سیزینگ آرانگیزداقی آخلاقسیزچیلیق بارادا گورّونگ یایرادی.‏ بولار یالی آخلاقسیزلیغی حتّیٰ بُت‌پَرَستلِر-ده اِدیَن دَلدیر!‏ سیزینگ بیرینگیز اُز اُوِی اِنه‌سی بیلِن یاتیپ-توریارمیش.‏

² سیز بُلسا اُز-اُزونگیزه قاباریارسینگیز!‏ اُندا سیز مونگا دِرِک یاس توتوپ، شِیله ایش اِدیَنی آرانگیزدان آییرمالی دَلمی؟

^3-4 مِن یانینگیزدا بُلماسام-دا، روحدا سیزینگ بیلِندیرین.‏ مِن اِدیل یانینگیزدا بُلان یالی، شِیله ایش اِدِنینگ اوستوندِن تانگریمیز عیسانینگ آدیندان اِییَم اُز حُکومیمی چیقاردیم.‏ سیز بیله اویشِنّینگیزده مِن هِم روحدا سیزینگ بیلِن بُلارین.‏ شُندا عیسانینگ گویجینینگ اوستو بیلِن

⁵ شِیله ایش اِدِن آدامی شِیطانا تابشیرینگ.‏ شُندا اُنونگ گونَه‌لی نِفسی هِلَک بُلوپ، تانگری عیسانینگ گونونده روحی نِجات تاپیپ بیلِر.‏

⁶ سیزینگ قابارماغینگیز هیچ قاوی دَلدیر.‏ شِیله بُلسا سیز آزاجیق خامیرمایانینگ هِمّه خامیری تورشودیاندیغینی بیلمِیَرسینگیزمی؟

⁷ تَزه پِتیرلیک خامیر بُلوپ بیلِرینگیز یالی، کُهنه خامیرمایانی اُزونگیزدِن آییریپ اُقلانگ.‏ آصلیندا شُل تَزه پِتیرلیک خامیر سیزسینگیز!‏ چونکی عیسی مسیح، بیزینگ پِسَح قوزیمیز، قربانی اِدیلِندیر.‏

⁸ شُنگا گُرَه-ده، پِسَح بایرامی کُهنه خامیرمایادا، یَعنی قاهار-غاضاب و تِلِکه‌لیک بیلِن توتمایلینگ.‏ تِرسینه، اُنی تَزه پِتیرلیک خامیردا، یَعنی دُغرولیق و حاقیقات بیلِن توتایلینگ.‏

⁹ مِن سیزه آخلاقسیز آداملار بیلِن قاتناشمانگ دییّپ اُنگ یازیپدیم.‏

¹⁰ یُنه مِن شِیله یازانیمدا بو دونیَه‌نینگ آداملارینی، یَعنی آخلاقسیزلاری یا-دا آچگُزلِری، حیله‌گَرلِری یا-دا بُت‌پَرَستلِری حاسابا گِتیرمِدیم.‏ بِیله بُلسا، سیز بو دونیَه‌نی بیراِییَم تِرک اِتمِلی بُلاردینگیز.‏

¹¹ اِمّا مِن سیزی ایماندار بیلیپ، هِنیز-ده آخلاقسیز یا-دا آچگُز، بُت‌پَرَست یا-دا سِویَن، عاراقخُر یا-دا حیله‌گَر بُلانلار بیلِن قاتناشمانگ دییّپ یازیارین.‏ شِیله آداملار بیلِن حتّیٰ بیر ساچاق باشیندا-دا اُتورمانگ.‏

^12-13 اُندا بیز کِلیسایا دِگیشلی بُلمادیقلارینگ اوستوندِن حُکوم چیقارمالیمی نَمه؟ اُلارینگ اوستوندِن خودای حُکوم چیقارار.‏ بیز دینگه کِلیسایا دِگیشلی بُلانلارینگ اوستوندِن حُکوم چیقارمالی.‏ ‏«‏سیز اُز آرانگیزدان تِلِکه‌لیک اِدیَنی آیریپ اُقلانگ»‏.‏