۱ قُرِنتُس‌لار 16 - مُقادِّس کیتابمادّی کُمِگی اورشلیمدَکی ایماندارلار اوچین ییغناماق 1 ایندی بُلسا ایماندارلارا مادّی کُمِگی بِرمِک بارادا آیتماقچی. غَلاطیه‌دَکی کِلیسالارا آیدانلاریمی سیز هِم بِرجای اِدینگ. 2 مِن یانینگیزا بارانیمدا ییغناماق ضِرورلیغی بُلماز یالی، هِر بیرینگیز هِر یِکشَنبه گونی اُز یاغدایینا گُرَه بِلّی پول سویشوریپ، یانیندا ساقلاسین. 3 بارانیمدا، سیزینگ کُمِگینگیزی اورشلیمه آشیرجاق آداملاری اُزونگیز سایلارسینگیز. مِن اُلاری ایبِرِنیمده، تانیتما نامه‌لارینی هِم یانلارینا قُشارین. 4 اِگِر اورشلیمه مِنینگ گیتمِگیم دُغری بیلینسه، اُلار هِم مانگا یُلداش بُلارلار. شَخصی ایسلِگلِر 5 مِن یانینگیزا مَقدونیه‌ده بُلانیمدان سُنگ بارارین. سِبَبی مِن مَقدونیه‌نینگ اوستو بیلِن گِچمِکچی. 6 مومکین، مِن یانینگیزدا بیرآز کَن قالارین و حتّیٰ قیشی شُل یِرده گِچیرمِگیم-ده آخمال. سُنگرا سیز مِنی گیتجِک یِریمه یُلا سالیپ بیلِرسینگیز. 7 حَضیر بُلسا سیزی یُنه یُل اوغرونا گُروپ گِچِسیم گِلِنُق. قایتام، خودای یُل بِرسه، یانینگیزدا کَنرَک بُلماغی اومید اِدیَرین. 8 اِمّا مِن پِنتیکاستا چِنلی اِفِسُس شَهرینده قالارین، 9 سِبَبی بو یِرده اولی و نِتیجه‌لی ایشلِر اوچین اولی مومکینچیلیکلِر دُرِدی اُندان باشغا قارشی چیقیانلار هِم کَن. 10 اِگِر یانینگیزا تیموتاوس بارسا، اُنونگ آرانگیزدا هیچ زاتدان قُرقمان گِزیپ بیلِری یالی حِرِکِت اِدینگ. سِبَبی اُل هِم مِن یالی خودایینگ ایشینده مِشغولدیر. 11 شُنگا گُرَه-ده، هیچ کیم تیموتاوسا اَسگِرمِزچیلیک اِتمِسین. اُل مِنینگ یانیما دُلانار یالی، اُنی ساغامان یُلا سالینگ. مِن دُغانلار بیلِن تیموتاوس‌ینگ قایدیپ گِلمِگینه قاراشیارین. 12 ایندی بُلسا دُغانیمیز آپولُس بارادا: مِن اُنگا دُغانلار بیلِن بیلِلیکده سیزینگ یانینگیزا گیتمِگی اوچین کَن یالباردیم. یُنه اُنونگ اِدیل شو واقت گیتمَگه مِیلی یُق. اِمّا اُل یانینگیزا هِر واقت فُرصَت تاپاندا بارار. آخیرقی ناصیحاتلار و سالاملار 13 خاباردار بُلونگ، ایماندا قاییم دورونگ، قُرقمانگ، قایراتلی بُلونگ. 14 هِمّه زادی سُیگی بیلِن اِدینگ. 15 اِی عزیزلِر، سیز اِستیفانینگ اُی-ایچِرسینی تانییارسینگیز. اُلارینگ آخائیه‌ده اَوَّلکی بُلوپ عیسی مسیحه ایمان گِتیرِندیکلِرینی و ایماندارلارا جان-تِندِن خیدمات اِدیَندیکلِرینی هِم بیلیَنسینگیز. شُنگا گُرَه-ده، سیزدِن شونی خاییش اِتمِکچی: 16 سیز هِم شِیله آداملارا و اُلار بیلِن ایشلَپ زَحمِت چِکیَنلِرینگ هِر بیرینه قولاق آسینگ. 17 مِن اِستیفان، فُرتوناتوس و آخایکوس گِلِنده، خاص بِگِندیم. اُلار سیزینگ یُقلوغینگیزی بیلدیرمِیَرلِر. 18 اُلار سیزینگ گُوونینگیزه تَزه‌لیک بِریشلِری یالی، مِنینگ گُوونومه-ده تَزه‌لیک بِردیلِر. شِیله آداملارینگ قادیرینی بیلینگ. 19 آسیا وِلایاتینداقی کِلیسالار سیزه دُغایی سالام ایبِریَرلِر. آکیلا، پریسکیلا و اُلارینگ اُیوندَکی کِلیسا هِم سیزه خودایدا دُغایی سالام ایبِریَرلِر. 20 شو یِردَکی ایماندارلارینگ هِمّه‌سی هِم سیزه دُغایی سالام ایبِریَرلِر. بیری-بیرینگیزی مُقادِّس اُغشاماق بیلِن سالاملاشینگ. 21 مِن، پولسدِن سیزه سالام بُلسون. مِن مونی اُز اِلیم بیلِن یازدیم. 22 هِر کیم تانگریمیز عیسی مسیحی سُیمِیَن بُلسا، قُی، اُل مِلعون بُلسون. اِی عیسی، گِلسِنه! 23 قُی، تانگریمیز عیسی مسیحینگ مِرحِمِتی سیزه یار بُلسون! 24 مِن سیزینگ بارینگیزی عیسی مسیحینگ سُیگوسی بیلِن سُییَرین! اَمین. |
© Turkmen Truth