۱ قُرِنتُس‌لار 14 - مُقادِّس کیتابنبوّتلیق و بِلّی دَل دیل‍لِر بارادا 1 سُیگینینگ ایزیندا بُلونگ. مُقادِّس روحونگ ناغماتلارینی آلماغا، خاص-دا نبوّتلیق اِتمَگه ایخلاص اِدینگ. 2 بِلّی دَل دیلده گورلِیَن آدام آداملار بیلِن دَل-ده، خودای بیلِن گورلِشیَندیر. چونکی اُنونگ مُقادِّس روحدان ایلهام آلیپ آیدیان سیرلارینا هیچ کیم دوشونیَن دَلدیر. 3 اِمّا نبوّتلیق اِدیَن بُلسا آداملارا یوزلِنیپ، اُلارا قووات بِریَر، گُوونلیک بِریَر و تِسِلّی بِریَر. 4 بِلّی دَل دیلده گورلِیَن اُزونی قوواتلایاندیر، اِمّا نبوّتلیق اِدیَن بُلسا کِلیسانی قوواتلایاندیر. 5 سیزینگ هِمَّه‌نگیز بِلّی دَل دیل‍لِرده گورلِسِنگیز، اِلبِتّه، قاوی، یُنه نبوّتلیق اِتمَگه آرزو اِدیَریم. بِلّی دَل دیلده گورلِیَن آدام کِلیسانی قوواتلاماق اوچین اُز آیدانلارینی دوشوندیرمِسه، اُندا نبوّتلیق اِدیَن اُندان خاص قاوودیر. 6 اِی عزیزلِر، مِن یانینگیزا باریپ، بِلّی دَل دیل‍لِرده گورلِسِم، یُنه آیانلیق، بیلیم، نبوّتلیق و یا-دا تَعلیم بِرمِسِم، مِنینگ سیزه پِیدام یِتِرمی؟ 7 میثال حُکمونده جانسیز سازلارینی – تویتوگی یا-دا دوتاری آلیپ گُرِیلینگ. اِگِر اُلار تَفاوُتلی سِسده چالینماسا، هایسی آهَنگینگ چالینیاندیغینی نَدیپ سایغارجاق؟ 8 یِنه-ده بیر میثال: اِگِر سورنایینگ چاغیریش سِسی بِلّی بُلماسا، اورشا تاییارلانجاق بارمی؟ 9 سیز باباتدا هِم شِیلِدیر. اِگِر-ده سیز دیلینگ اوستو بیلِن آیدیانلارینگیز بِلّی بُلماسا، سیزه کیم دوشونِر؟ بو دینگه هُوایی گورّونگ اِدِن یالیدیر. 10 دونیَه‌ده خاص کَن دیل‍لِر بار. اُلارینگ هِر بیرینینگ مَعنیسی باردیغینا گورّونگ یُقدیر! 11 اِمّا مِن بیرینینگ آیدیانلارینا دوشونمِسِم، مِن اُنونگ اوچین بیگانه بُلیاندیرین و اُل هِم مِنینگ اوچین بیگانه بُلیاندیر. 12 شُنونگ اوچین ایندی مُقادِّس روحونگ ناغماتلارینی آلماق ایسلِیَن بُلسانگیز، کِلیسانی گویچلِندِریَن و اُستوریَن ناغماتلاری آلماغا چالیشینگ. 13 بِلّی دَل دیل‍لِرده گورلِیَن آدام اُنی دوشوندیریپ بیلمِگی اوچین-ده دُغا اِتمِلیدیر. 14 چونکی مِن بِلّی دَل دیلده دُغا اِدیَن بُلسام، مونی دینگه روحوم دُغا اِدیَندیر. اِمّا عاقیلیم موندان پِیدالانمییاندیر. 15 نَمه اِتمِلی؟ مِن روحوم بیلِن دُغا اِتسِم، مونی عاقیلیمدا-دا اِتجِک. مِن روحوم بیلِن آیدیم آیتسام، مونی عاقیلیمدا-دا آیتجاق. 16 اِگِر سِن خودایی اُز روحونگدا شوکور اِتسِنگ، سِنینگ آیدیان زاتلارینگا دوشونمِیَن آدام شوکورلِرینگه نَدیپ «اَمین» دییسین؟ اُل سِنینگ آیدیانلارینگا دوشونمِیَر آخیرین. 17 مومکین، سِن قاوی شوکور اِدیَنسینگ، یُنه باشغا بیری مونونگ اوستو بیلِن قوواتلانیان دَلدیر. 18 خودایا شوکور، مِن بِلّی دَل دیل‍لِرده هِمَّه‌نگیزدِن کَن کِپلِیَرین. 19 یُنه کِلیسادا بِیلِکیلِره-ده تَعلیم بِرِر یالی، دوشوملی بَش سُز آیدانیمی تا بو بِلّی دَل دیل‍لِرده آیدیلان مونگلِرچه سُزدِن قاوی گُریَرین. 20 اِی عزیزلِر، چاغالار یالی فیکر اِتمِگینگیزی بِس اِدینگ. یامانلیق باباتدا چاغا یالی بُلونگ، یُنه دوشونمِک باباتدا یِتیشِن یالی بُلونگ. 21 چونکی مُقادِّس یازغیلاردا شِیله یازیلاندیر: «مِن بو خالقا باشغا دیل‍لِرده گورلِیَنلِرینگ اوستو بیلِن و بیگانه خالقلارینگ آغزینینگ اوستو بیلِن آیدارین. اِمّا شُندا-دا اُلار مِنی دینگلِمِزلِر، دییَّر خودای». 22 شونلوقدا، بِلّی دَل دیل‍لِر ایمان گِتیرِنلِر اوچین دَل-ده، ایمان گِتیرمِدیکلِر اوچین عالاماتدیر، اِمّا نبوّتلیق بُلسا ایمان گِتیرمِدیکلِر اوچین دَل-ده، ایمان گِتیرِنلِر اوچین عالاماتدیر. 23 شونلوقدا اِگِر هِمّه کِلیسا بیر یِره ییغنانیپ، هِمَّه‌نگیز بِلّی دَل دیلده گورلَپ دورقانگیز، اُنگا دوشونمِیَن یا-دا ایمان گِتیرمِدیک آداملار مونونگ اوستونه گِلسه، نَمه فیکر اِدِرلِر؟ اُلار: «سیز دیوانا بُلوپسینگیز» دییمِزلِرمی؟ 24 اِمّا اِگِر ایمان گِتیرمِدیک یا-دا دوشونمِیَنینگ بیری نبوّتلیق اِدیپ دورقا گِلسه، اُل هِمّه‌لِر طارافیندان گونَه‌کَرلِنیپ، حُکوم اِدیلیَندیگینی اِشیدِر. 25 شُندا اُنونگ یورِکدَکی سیرلاری آیان بُلار-دا، یوزینگ ییقیلار و «خودای، دُغرودان-دا، سیزینگ آرانگیزدا میشدیق!» دییّپ، خودایا سِجده اِدِر. تِرتیبلی عیبادات 26 اِی عزیزلِر، موندان نَهیلی نِتیجه آلساق بُلار؟ سیز بیر یِره اویشِنینگیزده، هِر بیرینگیزده آیدیم، تَعلیم سُزی، آیانلیق، بِلّی دَل دیل‍لِرده گورلِمِک یا-دا اُنی مَعنیلِندیرمِک باردیر. دِگمه، بولارینگ باری کِلیسانی قوواتلاماق اوچین بُلسون. 27 اِگِر آرانگیزدا بِلّی دَل دیل‍لِرده گورلِیَن بار بُلسا، قُی، ایکی یا-دا اوچ آدام نوبَت به نوبَت گورلِسین، یِنه بیری مَعنیسینی آیدسین. 28 اِمّا مَعنی اِدیپ بیلیَن بُلماسا، اُندا بِلّی دَل دیل‍لِرده گورلِیَن کِپلِمَن اُتورسین. قُی، اُل اُزونه و خودایا گورّونگ بِرسین. 29 نبوّت اِدیَنلِرینگ بُلسا ایکیسی یا-دا اوچوسی گورلِسین. بِیلِکیلِر بُلسا اُلارینگ آیدیانلارینی فیکرلِنیپ گُرسونلِر. 30 اِمّا دینگلَپ اُتورانلاردان بیرینه خودایدان آیانلیق گِلسه، اُندا گورلَپ دوران کِپلِمَن اُتورسین. 31 چونکی هِمّه‌لِر تَعلیم آلار یالی و هِمّه‌لِر گُوونلیک آلار یالی، بارینگیز نوبَت به نوبَت نبوّتلیق اِدیپ بیلِرسینگیز. 32 نبوّتلیق سُزلِرینی آلان آدام اُلاری هاچان آیتمالیدیغینی اُزی بِلّی اِتمِلیدیر. 33 چونکی خودای تِرتیبسیزچیلیگینگ دَل-ده، کِلیسالارینگ هِمّه‌سینده بُلشی یالی پاراحاتلیغینگ خوداییدیر. 34 آیال‍لار کِلیسادا کِپلِمِسین، چونکی اُلارا کِپلِمَگه اِجازا بِریلیَن دَلدیر. تُورات‌دا آیدیلیشی یالی، اُلار موطیع بُلمالیدیر. 35 اِگِر اُلار بیر زات بارادا بیلمِکچی بُلسالار، قُی، اُیده اَرلِریندِن سُراسینلار. آیالا کِلیسادا کِپلِمِک عاییپ آخیرین. 36 خودایینگ سُزی سیزدِن چیقاندیرمی؟ یا-دا اُل دینگه سیزه باریپ یِتدیمی؟ 37 اِگِر بیری اُزونی نَبی یا-دا مُقادِّس روحدان دُلان دییّپ حاساپ اِدیَن بُلسا، شونگا دوشونمِلیدیر: مِنینگ یازیانلاریم مسیحینگ حُکمودیر. 38 اِمّا اُل مونی قابول اِتمِسه، اُنونگ اُزی-ده قابول اِدیلمِز. 39 شونلوقدا، اِی عزیزلِر، نبوّتلیق اِتمَگه جان-تِن بیلِن ایخلاص اِدینگ، یُنه بِلّی دَل دیل‍لِرده کِپلِمِگی-ده قاداغان اِتمَنگ. 40 اِمّا هِمّه زات حُکمَن میناسیپ یُلدا و تِرتیب بیلِن بُلسون. |
© Turkmen Truth