Zebur 97 - Мукаддес Китап

97‑нҗи мезмур

Мезмур

¹ Реббе тәзе нагманы айдың, чүнки Ол гудратлы ишлери этди. Голы, мукаддес голы, Оңа еңиш гетирди.

² Реб Өз еңшини аян эйледи, миллетлериң назарында догрулыгыны аян эйледи.

³ Худай ысрайыл халкыны сөййәр, Ол хемише Өз халкына вепадар. Дүнйәниң дөрт күнҗеги Худайымызың еңшини гөрди.

⁴ Эй, бүтин дүнйә, Реббе хешелле какың, шатлык нагмасыны, алкышлар айдың.

⁵ Реббе лирада, лирада овазлы алкышлар айдың.

⁶ Сурнайың, шахың сеслери билен Патышамыз-Реббиң өңүнде хешелле какың.

⁷ Гүввүлдешсин деңиз ве ондакыларың әхлиси, дүнйә ве онда яшаянларың бары.

^8-9 Реббиң өңүнде дерялар эллерин чарпсын, байырлар җошгунлы нагмалар айтсын, чүнки Ол ер йүзүне казылык этмәге гелйәр. Ол догрулык билен дүнйә казылык эдер, халклара йүз гөрмезлик билен казылык эдер.