Zebur 86 - Мукаддес Китап

86-нҗы мезмур

¹ Кораның несиллерине. Мезмур. Нагма.

² Реб шәхериниң биняды мукаддес даглардадыр. Реб сөййәр Якуп халкының әхли месгенлерини, айратын-да Сионың дервезелерини.

³ Эй, Худай шәхери! Сен хакда шөхратлы затлар айдыляр. Села

⁴ Реб шейле диййәр: «Өзүми танаянларың янында Мен Рахабы ве Бабылы агзайын, Пилишт, Сур, Эфиопия юртларыны ятлайын; Диййәрлер: „Бу адам Сионда доглан“».

⁵ Сион бабатда шейле айдылар: «Бу адам хем, ол адам хем шу ерде доглан». Бейик Худайың хут Өзи оны беркарар эдер.

⁶ Реб «Бу адам Сионда доглан» дийип, халкларың санавыны язанда белләр. Села

⁷ «Мениң әхли гөзбашларым Сионда» дийип, багшылар ве тансчылар бирагыздан айдарлар.