Zebur 8 - Мукаддес Китап

8‑нҗи мезмур

¹ Айдымчылар топарының ёлбашчысына. Гититде. Давудың мезмуры.

² Я Хөкмүрован Реббимиз! Адың ненең белент тутуш ериң йүзүнде! Яйдың шөхратыңы гөклер үстүнде.

³ Сен Өз ягыларың себәпли, душмандыр өч аляны дымдырмак үчин, чагаларың, бәбеклериң алкышларындан гала яратдың.

⁴ Сениң гөклериңе – бармакларың ишине, Сениң гоян Айдыр йылдызларыңа назар айланымда, шейле диййәрин:

⁵ «Адам нәме Сен оны ятларың ялы? Ынсан оглы нәме аладасыны эдериң ялы?

⁶ Оны перишделерден бираз песрәк яратдың, оңа шөхрат билен хормат җыгасыны гейдирдиң.

⁷ Оны Өз эллериңиң ишлерине хөкүмдар гойдуң; әхли зады аягының астында гойдуң:

⁸ гоюнлардыр өкүзлериң барыны, шейле-де чөл хайванларыны,

⁹ гөк гушларыны, деңиз балыкларыны, деңиз ичре йүзйән бар җандарлары».

¹⁰ Я Хөкмүрован Реббимиз! Адың ненең белент тутуш ериң йүзүнде!