Zebur 75 - Мукаддес Китап

75‑нҗи мезмур

¹ Айдымчылар топарының ёлбашчысына. Киришли саз гураллары үчин. Асафың мезмуры. Нагма.

² Худай Яхудада мешхурдыр, Онуң ады Ысрайылда бейикдир.

³ Онуң чадыры Салимдедир, Онуң меканы Сиондадыр.

⁴ Ол шол ерде дөвди отлы пейкамлары хем-де галканы, гылыҗы хем-де сөвеш ярагларыны. Села

⁵ Сен нур дей шөхле сачярсың, авлаглара бай болан даглардан дабаралысың.

⁶ Арслан йүреклилер олҗасыны алдырдылар, олар бакы ука гитдилер. Иң гүйчлүлериң хич бириниң-де элини галдырмага гурбы чатмады.

⁷ Эй, Якубың Худайы, Сениң кәйинҗиңден атлар, сөвеш арабалары доңуп галдылар.

⁸ Сен вехимлисиң! Газаба мүнеңде ким дуруп билер?

^9-10 Сен гөклерден ыглан этдиң карары; ер йүзүниң әхли пукарасыны халас этмәге, Сен казылык этмек үчин аяга галдың, шонда ер йүзи эйменип, үмсүмлик болды. Села

¹¹ Саңа өвги газандырар хатда ынсан газабы, газабыңдан гутуланлар-да Саңа өвги айдарлар.

¹² Бейик Худайыңыза садака айдың, олары бериң, төверегиндәкилериң бары вехимли Худая совгат гетирсин.

¹³ Шазадаларың рухуны сындырян Олдур, ер йүзүниң шаларына вехимли Олдур.