Zebur 74 - Мукаддес Китап

74‑нҗи мезмур

¹ Айдымчылар топарының ёлбашчысына. «Хеләк этме» әхеңинде айдылян. Асафың мезмуры. Нагма.

² Эй, Худай, Саңа шүкүр эдйәрис, Сен Өз барлыгыңы аян эдйәң, шүкүр эдйәрис, Биз Сениң гудратларың хакда айдярыс.

³ Диййәрсиң: «Өз беллән вагтым геленде, йүз гөрмезлик билен хөкүм чыкарарын Мен.

⁴ Ер ве онуң илаты титрән вагтында, Мендирин онуң диреглерини беркиден» Села

⁵ Өвүнҗеңлере: «Өвүнмәң» диййән, эрбетлере: «Гүйҗүңизе даянмаң» диййән.

⁶ Сиз өз кувватыңыза магтанмаң, еңсәңизи дим-дик тутуп гүрлемәң.

⁷ Чүнки еңиш не гүндогардан, не гүнбатардан, не-де чөлдендир.

⁸ Казылык эдйән диңе Худайдыр, бирини песелдип, бирини бейгелдйән Олдур.

⁹ Чүнки кәсе Реббиң элинде, ол гүйчли гарылып, көпүклейән шерапдан долы. Реб газабы ве шерабы кәседен гуяр: ер йүзүниң әхли эрбетлери, оны лөдересине ченли ичерлер.

¹⁰ Мен болса элмыдама беян эдерин, Якубың Худайына нагма айдарын.

¹¹ Ол эрбетлериң әхли кувватыны сындырар, догруларың кувватыны болса Ол беленде галдырар.