Zebur 69 - Мукаддес Китап

69-нҗы мезмур

¹ Айдымчылар топарының ёлбашчысына. Давудың мезмуры. Ятланма дилеги.

² Эй, Худай, мени халас этмеги ниетиңе сал; я Реб, тиз етиш мениң дадыма.

³ Җаныма каст эдйәнлериң хеммеси, гой, утанҗа галсын, йүзи гызарсын; башыма гелен күлпетлере шат болянлар, ызына өврүлип, масгара болсун.

⁴ Маңа «хай, хай!» диййәнлер, утанчларындан яңа, гой, довла дүшсүн.

⁵ Сени агтарянларың бары Сенде бегенип, шадыян болсун; «Худай бейикдир!» дийип, халас эдишиңи сөййәнлер дынгысыз айтсын.

⁶ Мен болса гарып ве мәтәч, йөне, эй Худай, маңа гамхорлык этгин; Сенсиң көмегим хем Халасгәрим, эгленме, я мениң Реббим!