Zebur 66 - Мукаддес Китап

66-нҗы мезмур

¹ Айдымчылар топарының ёлбашчысына. Киришли саз гуралында. Мезмур. Нагма.

² Гой, Худай бизе мерхемет этсин, бизи ялкасын, үстүмизе Өз йүзүниң нуруны сачсын. Села

³ Шонда Сениң ёлуңы билерлер ериң йүзүнде, халас эдиш гүйҗүңи – әхли миллетлерде.

⁴ Эй, Худай, гой, халклар Саңа өвгүлер айтсын, әхли халклар Саңа өвгүлер айтсын.

⁵ Халклар шатлансын, җошуп нагмалар айтсын, чүнки Сен халклара адалатлы казылык эдйәрсиң, ер йүзүндәки халклара Сен ёл гөркезйәрсиң. Села

⁶ Эй, Худай, гой, халклар Саңа өвгүлер айтсын, әхли халклар Саңа өвгүлер айтсын.

⁷ Топрак өз хасылыны эчилди; Худай, бизиң Худайымыз бизе берекет берсин.

⁸ Гой, Худай бизи ялкасын, дүнйәниң дөрт күнҗи Ондан эйменсин.