Zebur 61 - Мукаддес Китап

61‑нҗи мезмур

¹ Айдымчылар топарының ёлбашчысына. Едутуның мукамына лайыклыкда. Давудың мезмуры.

² Диңе Худайда ынҗаляр җаным, Худайдандыр мениң гутулышым.

³ Ол – еке-тәк гаям хем гутулышым, мениң беркитмәм: йыкылмарын мен.

⁴ Ялңыз бир ынсана гаршы чыкяр көпсанлы душман: оларың бары мени өлдүрмеги ниет эдинйәр, мен олар үчин гышаран дивар, чагшан хаят дек.

⁵ Оларың бар ниети мени бейикликден песе дүшүрмек; олар ялан сөзлемекден леззет алярлар, агызлары билен ак пата берйәрлер, йүреклеринде болса нәлетлейәрлер. Села

⁶ Диңе Худайда ынҗаляр җаным, Худайдадыр мениң умыдым.

⁷ Ол – еке-тәк гаям хем гутулышым, мениң беркитмәм: ыранмарын мен.

⁸ Худайдадыр гутулышым хем-де шөхратым, Худайдадыр мәкәм гаям ве мениң пенам.

⁹ Эй, халк, элмыдама Оңа бил баглаң; йүрегиңизи Онуң өңүнде дөкүң, чүнки Худайдыр бизиң пенамыз. Села

¹⁰ Ынсанлар бидерек затдыр, ынсан огуллары бир ялан затдыр. Оларың хеммесини терезә гойсаң, ховадан хем еңил болар олаң аграмы.

¹¹ Талаңчылыга сиз бил багламаң, огурлыга умыт багламаң, байлык артса, оңа калбыңыз бермәң.

¹² Худай маңа айтды, мен гайта-гайта эшитдим муны: гудрат Худайдадыр.

¹³ Я Таңры, садык сөйги Сениңкидир, Сен хер кесе эденине гөрә өвезини гайтарярсың.