Zebur 60 - Мукаддес Китап

60-нҗы мезмур

¹ Айдымчылар топарының ёлбашчысына. Киришли саз гуралында. Давудың мезмуры.

² Эй, Худай, эшит дат-перядымы хем-де диңле мениң догамы.

³ Мениң калбым гам лайына батанда, Сени чагырярын ериң уҗундан; чыкып билмеҗек гаяма Сен мени чыкар.

⁴ Чүнки Сен мениң пенамсың, душмана гаршы мәкәм галамсың.

⁵ Мен чадырыңда бакы месген тутайын, ганатларыңың астында пена тапайын. Села

⁶ Сен, эй, Худай, эден касамларымы эшитдиң, Өз адыңдан горкянлар үчин ниетленен мирасы Сен маңа бердиң.

⁷ Ша өмрүниң гүнлерине гүнлер гош, гүнлерини узалт несилден-несле!

⁸ Гой, ол Худайың хузурында тагтда бакы отурсын, сөйги билен вепадарлык бер, гой, олар оны горасын!

⁹ Касамларымы гүнде берҗай эдерин, Сениң адыңа элмыдама нагма айдарын.