Zebur 6 - Мукаддес Китап

6-нҗы мезмур

¹ Айдымчылар топарының ёлбашчысына. Секиз киришли саз гуралында. Давудың мезмуры.

² Я Реб, гахарыңда мени язгарма, газабыңда мени тербиелеме.

³ Я Реб, маңа мерхемет эйле, чүнки менде ысгын-мыдар галмады; я Реб, маңа бер Сен шыпаңы. Чүнки галпылдаяр мениң сүңклерим,

⁴ гүйчли галпылдаяр җаным хем мениң. Я Реб, хачана ченли бу довам эдер?

⁵ Я Реб, маңа өврүлип, халас эт, мениң җанымы, садык сөйгиңиң хатырасына, азат эт мени.

⁶ Чүнки Сени габырда ятламак ёкдур; Саңа өлүлер дүнйәсинде ким өвги айдар?

⁷ Иңңилдимден халыс ядадым, хер агшам аглап, дүшегими сув-сил эдйәрин, ёрганымы гөзяшларыма мен гарк эдйәрин.

⁸ Гөзлеримиң нуры өчди гусса зерарлы, күтелди әхли душманларым себәпли.

⁹ Менден дашлашың, эй, беткәрлериң бары, чүнки Реб эшитди агы сесими.

¹⁰ Реб эшитди мениң ялбарышымы, кабул эдйәр Реб мениң догамы.

¹¹ Әхли душманларым утанып, горка гаплансын, алҗырап бирбада, ызына дөнсүн.