Zebur 59 - Мукаддес Китап

59-нҗы мезмур

1-2 Айдымчылар топарының ёлбашчысына. «Әхт лилиясы» әхеңинде айдылян. Арам-Нахарайым, Арам-Соба билен уршанда ве Ёвап ызына доланып гелйәркә, Дуз дересинде он ики мүң эдомлыны өлдүрен вагты, Давудың өвүт бермек үчин айдан миктамы.

^1-2 Айдымчылар топарының ёлбашчысына. «Әхт лилиясы» әхеңинде айдылян. Арам-Нахарайым, Арам-Соба билен уршанда ве Ёвап ызына доланып гелйәркә, Дуз дересинде он ики мүң эдомлыны өлдүрен вагты, Давудың өвүт бермек үчин айдан миктамы.

³ Эй, Худай, бизи рет этдиң, бизиң хатарымызы бөвүсдиң, газапландың: вах, гайдып берсене өңки абаданлыгы!

⁴ Сен ери сарсдырдың, оны җайырдың, ярыкларыны беҗер, титрейәндир ол.

⁵ Агыр гүне салдың Сен Өз халкыңы, бизе энтедиҗи шерап ичирдиң.

⁶ Оклардан гутулып билери ялы, Өзүңден горкянлара Сен нышан бердиң. Села

⁷ Өз сөййәнлериңиң гутулып билери ялы, голуң билен халас эт, бизе җогап бер.

⁸ Вада берди Худай Өз мукаддес өйүнден: «Улы шатлык билен Мен Шекеми бөлерин хем-де Сукот дересини өлчәрин.

⁹ Гилгат Мениңки, Манаша Мениңки, Эфрайым – тувулгам, Яхуда – патышалык хасам.

¹⁰ Мовап – ювунмак үчин легеним, Эдомың үстүне зыңарын Мен чарыгымы. Пилишт топрагында еңиш дабарасы билен гыгырарын Мен».

¹¹ Берк гала ким мени элтер? Мени Эдома ким алып гидер?

¹² Эй, Худай, эйсем Сен бизи рет эдәйдиңми? Эй, Худай, инди гошунларымыз билен гитҗек дәлми Сен?

¹³ Душманларымыза гаршы бизе көмек эт, себәби ынсан көмеги бидерек затдыр.

¹⁴ Худай аркалы еңиш газанарыс, душманларымызы депелеҗек Олдур.