Zebur 53 - Мукаддес Китап

53‑нҗи мезмур

1-2 Айдымчылар топарының ёлбашчысына. Киришли саз гуралында. Маскил. Зиплилер гелип, Шавула: «Давут бизиң арамызда гизленйәр» диенлеринде, Давудың айдан мезмуры.

^1-2 Айдымчылар топарының ёлбашчысына. Киришли саз гуралында. Маскил. Зиплилер гелип, Шавула: «Давут бизиң арамызда гизленйәр» диенлеринде, Давудың айдан мезмуры.

³ Эй, Худай, мени халас эт Өз адың билен, мени акла Сен гудратың билен.

⁴ Эй, Худай, мениң догамы эшит, Сен агзымың сөзлерине гулак гой.

⁵ Чүнки гелмишеклер гаршыма галды, сүтемкәрлер җанымың кастына чыкды; олар Худайы әсгермейәрлер. Села

⁶ Мениң үчин болса Худай көмекдир! Таңры сөйгетлейәр мениң җанымы.

⁷ Ол душманларымың эден яманлыгыны оларың өз башларына индерер. Өз вепалылыгың хатырасына ёк эт олары.

⁸ Саңа хөвес билен гурбанлык кесейин, я Реб, Сениң ягшы адыңа шүкүр эдейин.

⁹ Чүнки Ол мени әхли мушакгатдан халас эйледи, гөзүм душманларыма еңиш билен гарады.