Zebur 51 - Мукаддес Китап

51‑нҗи мезмур

1-2 Айдымчылар топарының ёлбашчысына. Эдомлы Дөвег Шавула гелип, Давут Ахымелегиң өйүне барып етендигини хабар беренде, Давудың айдан маскили.

^1-2 Айдымчылар топарының ёлбашчысына. Эдомлы Дөвег Шавула гелип, Давут Ахымелегиң өйүне барып етендигини хабар беренде, Давудың айдан маскили.

³ Нәме үчин яманлык билен өвүнйәң, эй, эдермен? Худайың садык сөйгүси хемише мениң билен!

⁴ Сениң дилиң дүзйәр вейранчылыклары, ол йити пәки кимин ишләп дүзйәр хиләни.

⁵ Сен ягшылыкдан яманлыгы халаяң, хакыкаты сөзләниңден – ялан айтмагы.

⁶ Эй, хилели дил, сен халаяң әхли хеләклейҗи сөзлери!

⁷ Эмма Худай сени бакы хеләкләр, сени тутуп, чадырыңдан чекип чыкарар, яшайыш топрагындан көкүңи сограр. Села

⁸ Догры адамлар муны гөрүп, горкарлар, оңа гүлүп, шейле диерлер:

⁹ «Ине, бу адам Худайы өзүне пена этмеди, өз байлыгының көплүгине баглады били; ол өз байлыгындан пена гөзледи».

¹⁰ Мен болса Худайың өйүндәки гөк өвүсйән зейтун агаҗы ялы; Худайың садык сөйгүсине эбеди ве бакы баглаян били.

¹¹ Эденлериң үчин Саңа бакы шүкүр эдерин; Саңа садык боланларың җемагатында Сениң ягшы адыңа умыт багларын.