Zebur 45 - Мукаддес Китап

45‑нҗи мезмур

¹ Айдымчылар топарының ёлбашчысына, сопрана дереҗесинде. Кораның несиллериниң нагмасы.

² Худай бизиң пенамыз хем-де гүйҗүмиз, Ол мушакгат вагты дадымыза етишйәр.

³ Шонуң үчин горкмарыс ер ыранса-да, даглар деңзиң багрына ыңдарылса-да,

⁴ оларың сувлары гүвләп, җошса-да, зарбындан яңа даглар сарсса-да. Села

⁵ Бир деря бар, онуң акымлары шат эдйәр Худайың шәхерини – Бейик Худайың мукаддес месгенини.

⁶ Худай бу шәхериң ортарасында, ол сарсдырылмаз, Худай оңа көмек эдер сәхер чагындан.

⁷ Миллетлер арлаяр, шалыклар-да ыраняр, Ол гыгыряр – шонда дүнйә эрейәр.

⁸ Хөкмүрован Реб бизиң билендир, Якубың Худайы беркитмәмиздир.

⁹ Гелиң, гөрүң Реббиң эденлерини, ер йүзүне гетирен вейранлыгыны.

¹⁰ Ол ериң уҗуна ченли урушлары тогтадяр, яйлары күл-оврам эдйәр, найзалары икә бөлүп ташлаяр, галканлары от-ялында яндыряр.

¹¹ Реб шейле диййәр: «Сакланың, билиң: Худай Мендирин! Миллетлер арасында бейгелдилерин тутуш ер йүзүнде бейгелдилерин».

¹² Хөкмүрован Реб бизиң билендир, Якубың Худайы беркитмәмиздир. Села