Zebur 3 - Мукаддес Китап

3‑нҗи мезмур

¹ Давудың өз оглы Абшаломдан гачан махалы айдан мезмуры.

² Я Реб! Душманларым ненең көпелди! Маңа гаршы баш гөтерйәнлериң саны кән.

³ Көплер мен бабатда: «Худай оны халас этмез» диййәрлер. Села

⁴ Эмма Сен, я Реб, дашымда бир галкансың, шан-шөхратым, башымы дикелдйән Сенсиң.

⁵ Мен Реббе эдйәрин дады-перяды, Ол мукаддес дагындан маңа берйәр җогабы. Села

⁶ Мен ятярын хем-де ука гидйәрин, саг-аман оянярын, чүнки Реб голдаяр мени.

⁷ Чар тарапдан мениң гаршыма чыкан бичак көп душмандан горкмаярын мен.

⁸ Галк Сен, я Реб! Эй, Худайым, халас эт мени! Әхли душманларымың әңине уряң, эрбетлериң дишлерини күл-оврам эдйәң.

⁹ Еңиш Ребдендир, берекедиң Сениң халкыңың үстүнде болсун. Села