Zebur 28 - Мукаддес Китап

28‑нҗи мезмур

Давудың мезмуры

¹ Реб барада айдың, эй, ылахы барлыклар, Реббиң шөхратлыдыгы, кувватлыдыгы барада айдың.

² Реббиң адыны мынасып шөхратландырың; шанлы мукаддеслигинде Оңа сиз сежде эдиң.

³ Реббиң сеси сувларың йүзүнде, Худайың шөхраты гүммүрдейәр, Реб уммасыз сувлардан үстүндир.

⁴ Реббиң сеси кувватлыдыр, Реббиң сеси шан-шөхратлыдыр.

⁵ Реббиң сеси кедр агачларыны дөвйәр, Реб Ливан кедрлерини оврадяр.

⁶ Ол Ливан дагыны гөле дей, Сирён дагыны-да ябаны өкүзче дей бөкдүрйәр.

⁷ Реббиң сеси йылдырымлар чакдыряр.

⁸ Реббиң сеси чөли сарсдыряр, Реб Кадеш чөлүни сарсдыряр.

⁹ Реббиң сеси кейиклери гузладяр, токайлары ялаңачлаяр; Онуң ыбадатханасында хеммелер «Худая шөхрат!» диййәр.

¹⁰ Реб силиң ёкарсында тагт гуруп отуряр. Реб Ша хөкмүнде бакы отуряр.

¹¹ Гой, Реб Өз халкына гүйч-кувват берсин хем-де оны парахатлык билен ялкасын!