Zebur 27 - Мукаддес Китап

27‑нҗи мезмур

Давудың мезмуры

¹ Я Реб, Сени чагырярын; эшитмезлиге салма, эй, мениң Гаям, дымма, габра инйәнлере меңземәйин мен.

² Саңа дат-перят эден вагтымда, иң мукаддес отагыңа тарап эллерими галдыранымда, ялбарышларымың сесини эшит.

³ Эрбетлер, беткәрлер билен биле мени сүйреме; олар парахат геплешйәрлер гоңшусы билен, эмма велин пислик бар йүреклеринде.

⁴ Оларың этмишлерини, эден яманлыгыны өзлерине гайтар; эллериниң эденлерини өзлерине гайтар; эденлерине лайык өвезини бер.

⁵ Реббиң ишлерине, Онуң эллериниң ишине үнс бермейәндиклери себәпли, Ол вейран эдер олары хем-де гайдып бина этмез олары.

⁶ Реббе алкыш болсун! Ол эшитди перядымың сесини.

⁷ Реб мениң гүйҗүм хем-де галканым; Оңа бил баглады мениң йүрегим, Ол маңа ярдам эдйәр, йүрегим бичак шатланяр; Оңа нагмам билен шүкүр эдерин.

⁸ Реб халкың гүйҗүдир, сечип-сайланының халас беркитмеси Олдур.

⁹ Өз халкыңы халас эт, сайлан халкыңа пата бер, олара чопанчылык эт, мыдама олары элиңде гөтер!