Zebur 24 - Мукаддес Китап

24‑нҗи мезмур Алеф

Давудың мезмуры
Алеф

¹ Я Реб, мен көңлүми Саңа гөге гөтерйән.

Бет

Бет

² Эй, Худайым, мен Саңа бил баглаян; мен утанҗа галмайын; душманларым менден үстүн чыкмасын.

Гимел

Гимел

³ Саңа интизарлар галмасынлар утанҗа, нәхак ере хыянат эдйәнлер галсын утанҗа.

Далет

Далет

⁴ Я Реб, маңа салгы бер Өз ёлларыңы хем-де өврет маңа ёдаларыңы.

Хе

Хе

⁵ Мени хакыкатыңда йөрет хем маңа өврет, чүнки мени халас эдйән Худай Сен; мен узаклы гүн Саңа интизардырын.

Зайин

Зайин

⁶ Я Реб, ядыңа сал мерхеметдир садык сөйгиңи, чүнки олар бардыр гадымдан бәри.

Хет

Хет

⁷ Ятлама Сен яшлык гүнәлерими хем-де битабынлык ёдаларымы. Я Реб, садык сөйгиңе гөрә, Өз ягшылыгың хатырасына яда сал мени.

Тет

Тет

⁸ Реб ягшы хем-де догрудыр Ол гүнәкәрлере Өз ёлуны өвредйәр.

Ёд

Ёд

⁹ Догры ёла гөнүкдирйәр гөвни песлери Өз ёлуны песпәллере өвредйәр.

Каф

Каф

¹⁰ Онуң әхтиниң дүзгүнлерини саклаянлара сөйги билен садыклыкдыр Реббиң әхли ёллары.

Ламед

Ламед

¹¹ Я Реб, Өз адың хатырасына багышла Сен мениң этмишлерими, чүнки улудыр олар.

Мем

Мем

¹² Ребден горкян ынсан бар болса, Реб оңа өвредер сайламалы ёлуны.

Нун

Нун

¹³ Ол яшаҗакдыр болелинликде, ери мирас алар онуң зүряды.

Самех

Самех

¹⁴ Реб Өз ниетини Ондан горкянлара аян эйлейәр, Ол олара Өз әхтини билдирйәр.

Айин

Айин

¹⁵ Гөзлерим мыдама Реббе гарап дур, чүнки Ол аякларымы тордан чыкарар.

Пе

Пе

¹⁶ Маңа өврүл-де, мерхемет эйле, чүнки мен ялңыз, эзъетлидирин.

Тсади

Тсади

¹⁷ Йүрегимиң гайгы-хасраты артды; җебир-җепаларымдан халас эт мени.

Реш

Реш

¹⁸ Мушакгатым билен ызама серет хем-де мениң әхли гүнәлерими өт.

¹⁹ Гөр Сен көпдүгини душманлырымың, олар гүйчли йигренч билен йигренйәр мени.

Шин

Шин

²⁰ Җанымы гора-да, халас эт мени, утанмайын, чүнки пена эдиндим Сени.

Тав

Тав

²¹ Кәмилликдир догрулык мени горасын, чүнки мен Саңа интизардырын.

²² Эй, Худай, ысрайыл халкыны әхли мушакгатлардан Сен халас эйле.