Zebur 23 - Мукаддес Китап

23‑нҗи мезмур

Давудың мезмуры

¹ Реббиңкидир ер ве ондакы затлар, әлем хем-де онда яшаянлар.

² Чүнки Ол деңизлер үстүнде ериң дүйбүни тутды хем-де оны сувларың үстүнде гурды.

³ Реббиң дагына ким чыкып билер? Мукаддес өйүнде ким дуруп билер?

⁴ Эллери пәк, йүреги-де ак, көңлүни галплыга гөнүкдирмейән, хиле билен касам этмейән ынсан.

⁵ Ол Ребден алар ак пата, халас эдйән Худайындан алар акланма.

⁶ Оны – Якуп Худайының йүзүни агтарянларың неслиндендир ол.

⁷ Эй, дервезелер, башларыңызы галдырың! Эй, гадымы гапылар, ёкары галың! Шөхрат Шасы ичерик гирсин!

⁸ Бу шөхрат Шасы ким? Ребдир гүйчли, кувватлы, Ребдир, сөвешдәки кувватлы.

⁹ Эй, дервезелер, башларыңызы галдырың! Эй, гадымы гапылар, ёкары галың! Шөхрат Шасы ичерик гирсин!

¹⁰ Бу шөхрат Шасы ким? Ол – Хөкмүрован Реб ве шөхрат Шасы.