Zebur 22 - Мукаддес Китап

22‑нҗи мезмур

Давудың мезмуры

¹ Реб – мениң чопаным; мен хич зада мәтәч болмарын.

² Ол мени яшыл өрүлерде ятыряр, сиңңин акян сувларың якасына әкидйәр.

³ Мениң җанымы Ол тәзелейәр хем-де Өз адының хатырасына догрулык ёлларындан мени әкидйәр.

⁴ Түм гараңкы дереден гечәемде-де, яманлыкдан горкмаярын мен, чүнки Сен мениң биленсиң. Сениң хасаң, чопан таягың арам берйәр җаныма мениң.

⁵ Сен маңа сачак язярсың душманларымың гөзлериниң алнында; яг чалярсың мениң башыма; пүрепүрдир мениң пыялам.

⁶ Билйәрин, ягшылык ве садык сөйги өмүрбойы хемра боларлар маңа; өмүрбакы яшарын Реббиң өйүнде.